“癲狗射馬”上期頭威頭勢,癲狗馬膽[環翠戰士]不負所托,四倍獨贏就咁搞掂,教主毓民同主編尤達師兄已下達最高指示資料組,繼續努力推介馬膽,唔好辜負[癲狗馬經] 讀者支持。

言歸正傳,[話得事]雖然未贏馬但季內演出穩定,五戰同程僅一次失前四,上賽落第評分比十一月上名時還要低一分,多跑下已反覆試準,柏寶今晚倦勤換來鬥志高昂的杜利萊絕非陪跑,值得赢位兼投。

至於騎師王,莫雷拉又一面倒大熱,1.35倍的確乏味,如好似打吡日咁就出事,不過佢又手執一棚惡馬,真係左右為難,寧願單場捧W好過,反而潘頓有4倍,[帶盈來][薪勇]及[翡翠劇院]屬機會份子,相對值搏一於揀佢。

癫狗馬膽:       第五場            5. 話得事

癲狗騎師王:     2. 潘頓

(資料組   21/3/2018)