上次癲狗馬膽[話得事]杜利萊已騎得出色,終點前才被[追風追月]沿欄超越,飲恨獲亞,收到風主編尤達師兄重注WP,賽後拍晒枱乜嘢粗口都爆晒出嚟,極度欠運非常無奈,指示我哋資料組今次要收復前失。

[精明才子]上仗終打開勝利之門,幕後棄爭打吡實屬明智之舉,目標早已鎖定今仗,復課神色自若,體力充沛,馬身越收越靚,賽前更安排試千二泥閘走勢從容,增程二百更合腳法,雖初上二班但比上賽少負11磅更是致勝關鍵,最強對手[得勝駒]三歲馬要讓[精明才子]三磅,此消彼長下[精明才子]更為值搏,可贏位兼投。

至於騎師王,上次話明雷神超低水唔值搏,結果1W都冇仲要爆個廿二倍嘅李寶利,真係嘔血,今次雷神同潘頓手馬勢均力敵,以為賠率好分啲,點知開飛又超低水得1.3倍,真係雞肋,雷神對上四次冇做騎師王,正路呢次應該到佢,好難再爆,所以資料組唔建議參與。

癲狗馬膽: 第九場         (8)    精明才子

癲狗騎師王:                   不建議參與

(資料組   25/3/2018)