昨晚八場谷草賽事,戲碼都幾精彩,賽果算合理,更合理嘅係麥菲文熱門瓜晒!「珍珠旺」是願者上釣,「好吉利」騎晒只得第三、「飛霸龍」盡殺WP精彩!這晚頗多馬值得跟進。

第一場「金童」質超四班,贏馬合理。「飛雲寶」休出縮住跑追唔切,跑第六獎金都無,質庸之餘小心下場無力走樣!「珍珠旺」不是牌仔操控到既馬,麥菲文又成功引人落疊。「教主」守全場最靚位直路一步都無,只可以用鬥心幾差去形容。

第四場「好吉利」慳晒之下只跑入一席無威脅第三,可能又想落班先食。「鄉村輝煌」老馬仲有兩腳,如果減多幾分季尾有機會勝回一仗光榮退役!「駿皇綵」其實為乜要跑千四?而家好似跑傷左隻馬元氣!

第六場步速偏慢下「同進」竟然如飛殺上,如果健康無事下場應該部署谷盡。「電玩皇者」走勢古古怪怪,直路飛左出去然後又走番馬屎忽後面,走晒光既馬唔知幾時真正用。「魅影揚飛」其實只贏一場新馬,進度似乎未夠。

第七場「飛霸龍」閘好賽曳,跑落一無是處,唯一解釋係食唔飽,都係咪掂呢個馬房既熱門馬。「再石磨藍」今季再進步是老苗整體練馬有進的表現,其他馬真係無咩好睇,只可以說「勇闖者」贏在練馬師!

第八場「歡喜心」憑銳氣殺上黎但完全埋唔到「海利多」身,質素未必可以站穩三班。「鵲橋飛渡」沿途走位消極,但馬自動撲上黎,可能是賀賢搶分的救命棋子。「王者再現」跑多場確認是否心想盡快回到四班,「星運判官」千八太長了。

(飛神  30/3/2018)