想贏馬首先要有位好騎師 蔡約翰直到星期三晚上為止,已經贏出69場頭馬,比起第二位的羅富全,已經彈甩了25場頭馬。相信今季冠軍練馬師非蔡神仙莫屬。蔡約翰成績出色的原因,除了有一批高質的質新馬之外,更重要的是,他會找一位好騎師,幫其馬房贏馬。

蔡約翰來港開倉初期,重用戴勝幫他搏馬,之後就用如日中天的韋達(唔係今時今日果個場場揸流灘的廢達),到今日就重用莫雷拉,有時要跑大賽更徵召世界第一高手莫雅幫手。這些騎師當FIT的時候,都是在馬迷心目中公認的好騎師。基本上只要有好馬交到他們手上,就會交到頭馬比大家,因此長期在練馬師排行榜上遊位置,不無道理。

相比起大摩,今年就真的是「捉蟲入屎忽」,香港有這麼多好的公司騎師不用,走去搵貝湯美做主帥,貝湯美今年的成績,大家有目共睹。更重要的是大摩的馬一飛起貝湯美,就立即變成了第二隻馬,以昨晚為例,大摩出四匹馬,除了憑「大四喜」贏馬,「綫路光輝」一換人比起上仗好像變左第二隻馬,連草地白痴「花月流星」都可以走入一席第四,更不計算之前的「鷹雄」「勁揪」「得勝駒」「佳騰駒」「美麗鉅星」等唔用主帥就交出頭馬的馬匹。真係炒左貝湯美,好事自然來! 季尾未交代的馬大家又要留意多少了。

一位好騎師,他可以把馬匹的實力完全發揮,就算贏唔到馬但大部分馬迷都不會怪他。相反如果用一些垃圾騎師搏馬,大家就要計算一下垃圾騎師搏失馬的機會率有幾高。馬房如果重用一些垃圾騎師,以為可以分多幾蚊,結果「偷雞唔到蝕渣米」,搏失馬輸錢輸面輸埋個馬房成績。所以想贏馬,就首先要搵位好騎師幫幫手。

(鹵味男     12/4/2018)