今集主題是「行埋」。

根據中文大學中文系現代標準漢語與粵語對照資料庫,「行埋」的詞彙類別屬於動詞(字面意思則是走在一起)解作「行房」或「性交」。例句:「我哋兩公婆最近好忙,都好少行埋 。」至於「行得好埋」則是指關係密切,例句:「佢哋兩個最近行得好埋,好似會有啲搞作!」

廣東話「埋」字十分常用,配字成詞真是多到「族繁不及備載」,可謂花樣百出,例如巴士「埋站 」、發財「埋便」、「埋嚟睇埋嚟揀」,「埋(碼)頭」,「埋岸」,「拍埋」等詞語,都有靠近之意。還有:「埋席」即入席,「埋欄」即是合得來或者合拍,「埋牙」有大打出手之意,「埋尾」等於善後,至於「埋單」除了指結賬,還有死亡之意。「疊埋心水(等運到)」,「話唔埋(今晚會中六合彩哩)!」都係很多人的口頭禪。

中聯辦主任王志民日前出席活動時表示,來港履新三個多月來,很多人向他表示,「中環西環行埋一齊幾好」,他指這亦是自己和特首林鄭月娥的共同心聲,指中環和西環走在一起,是為香港、國家及香港的青年好,表明「以後一定會越做越多,一定會越多行埋一齊」。

特首林鄭月娥一月十六日出席行會前,主動談及中聯辦主任王志民早前的「中環西環多啲行埋一齊」說法。林鄭表示:特區政府和中聯辦是進行「事務性合作同交流」,「或者可能係王志民主任比較口語化同大家講,所謂中環同西環,即係行埋一齊,大家多做一啲事,都係為咗香港的利益、為咗香港巿民未來的發展」。林鄭又表示,希望今日能一次過澄清,令大家不要再有不必要的疑慮。

(以下內容純港式粵語):中聯辦主任王志民唔識嘢又鍾意亂鳩咁噏嘢,扮撚晒嘢學人講廣東話,「行埋」係指「扑嘢」都唔撚知,講乜撚嘢「中環西環行埋一齊幾好」,「以後一定會越做越多,一定會越多行埋一齊。」中環係香港精英嘅精英,最鍾意雙重標準,而且佢老公話佢越來越靚嘅香港首位女特首林鄭月娥,咁西環即係嗰位望之不似人君嘅柒碌,麻甩都暈嘅共產黨奴才。王志民以上所講嘅嘢,絕對構成性騷擾罪,特區政府律政司司長鄭若驊責無旁貸,應該立即提出起訴,以還「娥姐」清白!

不過,講開又講,中環西環「行埋」重話越做越多,咁香港就好快「埋單」!

黃毓民