[編者按:很少報導章會將自己二十年前的舊新聞、評論再刋出,供讀者重温。這不是「炒冷飯」,因為我們可以很自豪説一句:“I told you so!” (晨早話咗你地知喇!)。我們首先要感謝那位免費提供《癲狗日報》給我們的支持者,也呼籲其他保存印刷本的朋友通知我們,因為我們手上的報紙並不齊全。為什麼要讀舊報紙?正如美國華盛頓郵報已故出版人格拉咸所言:「新聞是歷史的初稿」,而巜癲狗日報》作為歷史的初稿完全經得起時間的考驗。不信的話,從今日起,您可以詳細閲讀本欄,看看我有沒有騙你。]

 

《癲狗日報》好睇唔在講,又有邊個會估到連《癲狗日報》嚮當年《蘋果日報》賣嘅預售廣告都咁好睇?!講到《癲狗》嘅歴史,本來老總好招積,自認乜都識,但今次真係要認吓低威,原來呢張登嚮一九九六年三月十七日《蘋果日報》A3版,《癲狗日報》創刋前夕嘅廣告,自己都miss咗。近日有人攞上嚟普羅先至記得番有件咁嘅事,所以一定要寫。

一九九六年三月十七日《蘋果日報》A3版,《癲狗日報》創刋前夕廣告

老總眉批:走狗濕狗大奸狗,話踢就踢

解讀:「走狗」、「大奸狗」,好易明,亦踢過。至於「濕狗」,究竟係乜,有冇踢過,至今都係一個謎。不過,呢啲都唔重要,最重要嘅係,廣告入面第二條題:WPQT贏馬貼士,話中就中,條條獨家,事隔廿二年,到今日都啱使,你地話係咪「堅過石堅」先。