[巴基之星]換上布宜學於女皇盃大勝而回,事後孔明主編尤達師兄用咗好多篇幅解構呢匹性格巨星,咁有心機去研究一匹馬我哋捉到鹿都唔識脫角,[旌暉]跑成咁小組只係檢查有Q用咩! 問都唔問郭能咁即係點? 一匹千四咁準嘅馬忽然大敗,又係次熱門有乜理由咁求其,雖然”癲狗騎師王”揀中潘頓,但只能算僅僅合格,五月份首次賽事希望可以頭威頭勢,否則真係驚俾教主同尤達師兄捉去”照肺”!

[霸氣](上圖)前兩仗檔利連捷,取勝姿態從容自若,上賽排大外檔早段耗力搶前,結果潰散大敗而回,賽後見練者從新做工夫,試閘旨在輕抒步頭全程居後,加上同組馬一半是蔡約翰主席獎參戰馬,當然不用介意最終結果,馬回一仗體力保持,今次排個好位,七歲馬亦無保留必要,用得盡用,現時[威武再現]因人而熱,相反[霸氣]更加值搏,可以捧場。

騎師王潘頓莫雷拉兩人騎足八場,現時潘頓有2倍,反而雷神越買越冷,由開飛前2.4倍變成2.6倍,事實潘頓今次手馬的確比雷神強,既然上次中正今次繼續追潘頓,信佢手風順同爭做冠軍騎師嗰種鬥志!

癲狗馬膽                第五場                   6霸氣

癲狗騎師王                                       1潘頓

(資料組        2/5/2018)