大賽日後以八場泥地刺激下大家投注思維,可惜跑來跑去都係千二、一六五零同千八三個路程真的沉悶,呢幾個鐘睇復仇者聯盟好過。不厭其煩再講,夜泥以中外檔衝刺較好,走內欄凶多吉少,所以全晚一檔馬瓜晒十分合理。令飛神意想不到的事,今次睇片搵備忘馬仲難過賽前做功課。

第二場「喜之星」上兩季根本減分減到過晒籠,睇走勢上班輕磅仲有得贏,勝在季中唞過。「萬霸駒」係咁多料,減七八分先有機會贏馬。

第三場「精算齊同」馬有基本狀態,今場專登食泥而敗,可以睇多一兩場。

第五場「金湶德」走位明顯沒有誠意,上次贏同日馬房有「上簽」變倍,看來等馬房有配合先再捧場。

第六場「堅離地」轉完彎拉唔住走上去但唔盡走為乜?今場走光後似乎需要時間洗洗底。

第七場「貨如輪轉」無乜機會望空衝刺,再跑泥地亦要留意。「恆駿寶駒」將匆匆再去,喜見有番追馬意欲,應該會用晒佢為止。

第八場「鑽得勁」落腳頗慢,可能下季泥地一哩才是最佳路程。「餘皇」換個識練泥地的練馬師可跑高廿分。

 

圖: 餘皇

飛神備忘馬︰「喜之星」、「堅離地」、「恆駿寶駒」、「餘皇」

(飛神   3/5/2018)