星期日就是今個馬季的煞科日,冠軍騎師之爭經過谷草煞科後,莫雷拉落後潘頓四場,要追五場頭馬加上潘頓星期日要無馬贏才可以反敗為勝,基本上都大局而定。而莫雷拉離開香港後,我相信大家很快會想念雷神。

 

眾所周之,下季沒有雷神之後,潘頓肯定會一人獨大,就好像先幾季的莫雷拉一樣,壟斷大部分的頭馬。而且眾所周之,潘頓以「跑心情」聞名,他「心情好」的時候,要搏一場馬都算是頂級高手的表現。可惜的是呢條友要輸一場馬,他可以輸得有咁肉酸得咁肉酸。

 

正所謂”針唔拮到肉就唔知痛”,有些人會說沒有雷神就算買熱門都可以分多幾蚊。但如果你會搵潘頓賭大錢,就可以幫你的銀包準備定「RIP」了。以前雷神搏熱門馬,準繩度當然十分高,就算輸都會俾番個位置你,雖然間唔中都有搏輸全熱門,又或者一年有兩至三日「黑色年初三」出現,但總體上都算交到功課。

 

如果你搵潘頓搏大熱門,真係輸死都唔夠賠,因為潘頓輸死熱門的機會率,一定比雷神高。如果潘頓騎住隻大超班馬,你賭又唔係唔賭又唔係,賭隻馬賭埋個人仲要賭埋呢個人的心情,我真係唔識講。不過可以肯定的是,下個馬季如「黑色年初三」的日子,將會由一年兩三日可以變成經常就會出現,因為呢個人叫做潘頓。

 

到下季大家睇睇自己的荷包,之後再睇下潘頓幫你輸咗幾多錢,到時候,大家就會想念雷神了。

(鹵味男  13/7/2018)

 

全民俾LIKE 人人「些牙」!

.