今日寫嘅一篇,將會比較短,亦有大量粗言穢語,如果大家係雪花玻璃心承受唔到的話,歡迎去迪迪尼同埋哈囉咪咪嘅官方網站。希望大家唔好見怪。 而且呢篇屎坑文章只係我祖利安個人意見,並不代表《癲狗日報》之立場,敬請留意。 

近日(13/5/2018),美國總統特朗普會晤英女皇期間,首先下午茶會時遲到要成92 歲嘅英女皇等候,到來時更行响英女皇前面而唔係尾隨。好多人睇特嘅普呢啲「無禮」舉動後,都感到十分憤怒。

我祖利安要講嘅,有以下幾點。

第一,現今英國,任由左膠同穆斯林橫行,完全置國內反穆斯林之聲音不理,首都倫敦市長都任用穆斯林以致兩年間罪案不斷上升一間中學更被揭發一名穆斯林教師原來是殺人犯全國近掀起多宗利刀襲擊事件(平均每星期多達 3 人死亡,至今死亡人數已多達近 2000 人!),國民安全受到嚴重危害,响反恐問題上一啲說服力都無,值得尊重咩?

第二,英國响北約軍費上,雖然係歐洲負擔最多嘅一國,但依然遠低於美國所肩負嘅,不過就完全冇意欲去帶頭呼籲其他歐洲國家共同承擔更合理嘅防務責任,咁又值得尊重咩?

講到底,好多人唔忿氣,原因多數係:

(1)出於對事頭婆嘅 out-dated 情意結,同埋

(2)左膠式地硬係覺得無論點樣都唔應該欺負女人。

我祖利安現在就問大家:

事頭婆?乜咁撚多年嚟佢有鍥而不捨地為香港的狀況抱不平同中共討回公道咩?

女人就一定要尊重?不如以後再有任何戰爭爆發時叫女人企響最前線調停或者打吖屌!咁咪唔使有咁撚多男人死囉!之前有個地盤佬講得啱:好多女人真係以為有個閪,就可以周圍當八達通咁嘟。

大家又唔好誤會,我祖利安今次又唔係男性沙文主義上身。其實同世尊釋迦牟尼一樣,都只係相信一樣嘢- 就係「人不因為出身而尊貴,而是因為其行為」。响香港問題上,得罪朋友我都要重申一句- 英國除咗前港督彭定康同埋某幾位議員外,舉國上下,連同英女皇在內,根本冇當過香港係一回事,任由香港被中共蹂躪,成為生出一堆畸胎嘅殘花敗柳,而為咗要同中共做生意,半句聲都無出。

大話怕計數,以下附圖為北約各成員國所分擔之軍費比例圖:

根據協議,所有北約成員國,都必須將其國民生產總值嘅 2% 攞出嚟用於防務經費。至今只有 5 個國家勉強做到,亦完全無諗住做多,而且不斷要求北約派兵做嘢。即係點?即係要美國硬啃大部份嘅軍費支出,要美國納稅人承擔重擔,換來嘅反而係仇恨同指責,諸國義務少少,權利多多。尊重?屌你老味攞到錢出嚟至講啦仆街!鋪鋪都要人出雞你班契弟就一滴豉油都唔想出,重要咁撚多嘢講!公唔公道呀?!

而且最重要嘅一點,就係特朗普本身並非英女皇嘅 Loyal Subject,而且係一個脫離大英帝國獨立嘅國家之元首,有乜撚嘢理由你要人向前宗主國女皇卑躬屈膝?係咪痴撚線戇撚鳩嘅呢?其荒謬程度,實有如假設將來香港獨立之後,新香港國元首去北京訪問,竟然被要求向中共領導人叩頭一撚樣。

況且 4/7 剛剛過咗無耐,各種以前大英帝國如何欺壓美國殖民,响好多美國人心中,依然歷歷在目,而美國有今日嘅成就,絕對有賴當年無數對抗大英帝國暴政嘅祖父們嘅犧牲,尤其係當年响巴爾的摩,誓死保衛被密集英國海軍炮火轟炸嘅旗幟嗰一班熱愛自由嘅愛國者。

在此提醒各位柒頭:從來外交每一個細節每一個小動作,都其實經過小心策劃,絕對唔係真係自把自為嘅。今次美國總統特朗普有此行徑,我覺得反而十分恰當。姿態明確,完全不失體面。

換著係你,對住其祖宗攪過你亞爺嘅債仔,你會唔會對佢有禮貌?

“Because FUCK  YOU that’s why.”

有關作者祖利安

無人問津塔羅、RUNES 占卜師、懶惰的藏傳佛教在家修行者、MYRADIO 及 M.I.H.K. 前網台節目「仁心人生」、「香港㷫烚烚BOILING POINT」主持,喜歡八卦國際時事。被抹黑老屈為家常便飯,不學無術之徒,破戒凡夫一名。