10月1日沙田賽馬當日又係10月3日星期三跑馬地賽事排位日,當天要跑馬又要寫稿真係一件苦差。編排賽事嘅大員上周有星期三輪空唔跑馬 ,今個十月初1至7號連跑三日馬! 都唔知係乜嘢安排,拍板通過嘅亦都係傻仔,不過佢哋諗住幫襯嘅更加傻仔,有得跑唔通你唔到咩!!

第八場[五十五十],賽前八月初至今操練不論機坪大細跑道均由副練一手摸實,再由新拍檔利敬國泥地大閘按住勝出,同場對手[美麗傳承]、[四季旺]都同試該組,今場[美麗傳承]未必全力迎戰,可能熱身作下半季大賽部署。[五十五十]我看新拍檔狠辣騎法更合,勝過上手田雞。配腳從熱了身的[川河尊駒]、[軍歌]及[當家精選]中選。

第十場[巡航導彈],上次山竹來襲,賽前老兵係咁寫…(尾場[巡航導彈]上季兩戰冠亞各一,表現準繩,今仗由千二轉戰一千直路排一檔,加上同場不少名氣對手,可能換來超賠率,老兵愚見此貨新不斷進步分子,可能是年底香港短途錦標希望!! )

今次同樣觀感,有孭飛的[小巨人]、[有理共想]、[精算風暴]在陣,[巡航導彈]會有較上場更好的回報.配脚老兵會在[精算風暴]、[有理共想]中選,[小巨人]是曾有過腳部傷患退出陰影,稍有戒心,反而往從化放假回來的[僥倖]和進步中的[朝五晚九]可作T腳考慮!

老兵Bingo六環彩提供

第五場

14友瑩囍

10健康美麗

第六場

1勝利導航

7福將

第七場

1天下為攻

3旺蝦王

第八場

5五十五十

6川河尊駒

第九場

2艮志騰雲

10一定賺

第十場

12巡航導彈

10精算風暴

(老兵Bingo    30/9/2018)