馮檢基參選,好自然成為過街老鼠,萬人瘋狂抽插;對於某啲平時以抽飯民水呃LIKE嘅KOL嘅講,為咗遷就讀者口味立場側埋一邊其實係可以體諒。不過體諒還體諒,對於呢啲側埋一邊嘅抽水,我係無辦法唔反駁一下以正視聽:

其實針對馮檢基宣佈參選嘅主要有兩點,第一點係反擊文革攻擊論,有人話就算參選人地一樣可以攻擊佢,我真係唔該佢睇下馮檢基響記者會噏乜:佢係確保自己參選之後可以獲選舉條例保障,令佢嘅對手唔可以作出失實嘅抹黑同攻擊呀,因為佢係可以因此而推翻選舉結果架!坊間一條蛋散同競爭對手嘅抹黑分別響邊,無理由唔知掛?

至於第二點就係所謂退選論,又話佢可能最尾唔退選,又話佢可能扮退選退唔切;首先梁家傑連響提名期前可以退選都唔知真係老到懵咗好撚可憐,但對於你呢班擺明就係要屈馮檢基係投共嘅抽水馬桶黎講,乜佢最後退唔退選會影響倒你地個結論咩?先唔好講最尾佢真係退選,你又可以狗噏「佢出黎選其實已破壞咗飯民主派嘅部署,影響咗選民嘅觀感」,就算佢呢一刻無出黎報名呀,咪一撚樣可以話佢出黎考慮參選已破壞咗民主大台團結,令到原本支持佢嘅選民唔撚投小麗老母!

即係李永達呢班垃圾話一早估倒馮檢基參選所以贏咗一餐飯,而家又話再賭一餐飯估佢一定唔會退選,我心諗你地咁撚有信心做乜賭一餐飯咁少呀?賭命丫嘛,到時我一定盡我一生全力勸馮檢基退選,因為我真係好撚想你班仆街死呀!

即係馮檢基最後退唔退選,最後個結果係由佢一力承擔,即係對於一個當日走入中聯辦投共嘅人,我從來都唔會對佢有任何信任;但而家講定馮檢基一定會違反承諾,唔能夠自圓其說嘅人好笑係在於,卻係對於成個問題根源半句都唔會提/唔敢提:

點撚解今時今日會搞到呢個地步?咪臭係你小麗老母為咗擺平李卓人,以加入工黨兼欽點佢作為PLAN B作利益交換囉!當然你可以話「車,就算飯民大台搞PLAN B初選比李卓人贏咗,馮檢基都一樣可以搵藉口出黎選過啫!」拿,搵個另一個藉口還另一個,但係你飯民大台最初搞咗個初選機制黎諗住食咗梁游兩個位,跟住因為擔心李卓人會輸比馮檢基令小麗老母私相授受唔成立,所以先夾硬煞停個初選,而家成套程序公義你跟唔足有乜得賴人?

即係成件事甚至荒謬到,如果當日劉小麗加入果個係民協,私相授受果個係馮檢基,而不服果個係李卓人嘅話,投共果個就變成後者!即係邊個係紅五類邊個係黑五類,飯民大台話係就係,仲兒嬉過紅衛兵!

然後點解果班抽水馬桶KOL,又會連一句都唔提呢?為咗Please班黃屍fans呃Like呃Clap,你就可以連良心都側埋一邊了?

其實馮檢基成件事,係牽涉到民主理念、程序公義、統合力量同民主集中制嘅矛盾、甚至選民意志應否被尊重,可惜香港人從來就只係關注輸贏,連點解要選民主派、選咗佢地入去又應該點都唔知。再講一次,飯民政棍有既得利益走去歪曲事實我明,抽水馬桶自降智力水平走去遷就佢地fans我亦體諒,但就覺得好撚可悲囉。

作者:無神論者的巴別塔