第六場四班1400米

「珍珠鳳凰」(上圖中)今季由麥菲文轉往苗禮德馬房後跑過兩仗都是田草千四米,初出一役由利敬國策騎跟前的情況下雖然以第十名過終點,卻只負於頭馬「繽紛駿驥」四個多馬位、末段未能望空及賽後發現氣管多血;上仗換上蘇兆輝留後競跑、於直路上沿內欄殺上、負於放頭馬「再享耆成」四分三馬位得一席亞軍,當日的C跑道利放頭馬,能有此追勢,表現出色;賽後繼續操練、由蘇兆輝試了一課沙田全天候閘、沿途都係跟跑無騎過、維持走勢,27號單跳一課、直路加速、馬身及狀態均有進展,轉倉後已大有進步,麥菲文散倉寶藏多,繼配上場上名的蘇兆輝,B+2跑道後追有利,苗禮德十二月未有頭馬進帳,望能憑此駒一洗悶氣;「自然君子」上場蝕位都能追近、熱身後跑多二百、三T尾關巨冷所在;「兵貴神速」新馬賽績表現穩定、羅富全今日強陣、或配合「電玩皇耆」、「好運多贏」而來;「天意」上場第三有場地之助、續配冷殺手祈普敦、三T場合冷要防。

 

 

第八場三班2000米

「興爾」今季由苗禮德換到蘇保羅馬房,跑過兩次沙田一草一泥,兩仗都係在不合適的路程,沿途都係留在後疊的位置,轉倉試一試馬,今次報跑二千米,此駒在外地跑過一次二千米得第四名、之前曾勝千八米;早前在快活谷試咗課千七米閘、都係跟跑、末段騎吓佢、都有D反應;今次初跑二千米,配前仗騎師蘇兆輝孭125磅排九檔,都係留後在外欄衝一段,B+2及近尾段的場次後追馬有利,蘇保羅成績低沉,今個月19號憑「萬霸駒」贏得第四場頭馬,望繼續取得頭馬;「首飾大帝」上場受阻與「大眾精英」得平頭第三、初跑二千也有威脅;「天池怪俠」在外地曾勝二千一百米、今次配潘頓要睇;「力王」例追一段或會接近、拖腳要揀埋。

 

馬王巨樂部提供

第六場           11珍珠鳳凰           5自然君子           3兵貴神速           9天意

第八場           5興爾           10首飾大帝           9天池怪俠           14力王

(馬王 29/12/2018)