第四場三班1000米

「公証福將」(上圖)今季由方嘉柏轉到鄭俊偉馬房已跑了四仗,三場谷草一千、一場跑泥地,上場田泰安沿途跟在中間位置,入直路都有追勢,以第六名過終點,負於頭馬「電訊兄弟」兩又四分三馬位;賽後繼續操練、受操有狀態;這匹馬跑了八次,唯一贏馬路程就是在谷草一千A跑道取得,今次續配田泰安上陣、雖然排十二檔,這匹馬都係後上衝一段,田泰安走位醒目唔好塞、在外檔衝一段,鄭俊偉馬房近期的成績已好轉,同場又有「金匯昇」熱透,田泰安、莫雷拉又有機會串Q,這匹「公証福將」巨冷有可搏之道;「金匯昇」蔡約翰新馬跑三次得一WIN一Q、質新進步、繼續再上;「最驫」近兩仗皆配郭能、前仗同程得第二、續配此君仍有入圍機會;「電子群英」上場放入第三、A欄一千常接近、放出又有機會。

第五場四班1650米

「活力勇士」上場谷草同程沿途跟在中間位置,於最後四百米衝上,負於「塑料喜」一條頸位入Q,前日蘇兆輝單跳一課,捉到實馬匹自動加速,狀態在勇點,今季出賽四次都係由韋達執韁、前三次在沙田不同路程角逐、留住衝又試過、近兩仗跟前又試過,都試好晒D後勁,今次換上蘇兆輝再戰同程,孭120磅排三檔,又可以容易跟在較前守好位競跑,前面有排二檔的「紫電明珠」放,其他馬匹都係跑後上,「活力勇士」今場守在五、六位,入直路先發制人爆一段上嚟,其他馬匹未必能趕及,今場贏面極大;「春盈」以往都係以千二為主、分已減到比贏馬還低、上場都跑咗個第四名、嚟1650試試或會有接近的演出;「真跑得」今季長勇、演出夠準、QT要拖;「紫電明珠」今場唯一放頭馬、形勢大好、有黃俊減磅要兼顧。

 

馬王巨樂部提供

第四場          3公証福將           10金匯昇           7最驫           2電子群英

第五場           9活力勇士           6春盈           7真跑得           2紫電明珠

(馬王 9/1/2019)

全民俾LIKE 人人「些牙」!

.