第五場五班1800米

「小奇妙」連仗準繩、今季跑了九次,泥、草、谷、田全有獎金,只可惜與頭馬無緣、跑了三次第三;上次由田泰安跑田草千六、出閘後跟在第三位、返嚟都係維持走勢,負於「新界之星」及「有衝勁」兩又二分一馬位,卻拋離第四名的馬匹三個馬位;今次報跑田草千八,由蔡明紹孭113磅、排二檔上陣,晨操無論拍跳及單跳、馬身仍見壯,臨近季尾、低班賽事仲要跑C欄,走在前面的馬匹有一定的著數,加上近日有雨,「小奇妙」以往跑黏地也曾上名,有賠率之下,搏巨之選;「有衝勁」上場用陳嘉熙減磅差點放到、今次原裝配搭再嚟跑多二百、條件仍在;「如沐春風」近四仗全有獎金、演出穩定、拖腳無防;「靈鋒」分已減夠、狀態仍好、前列分子。

第八場三班1200米

「魅影揚飛」已見復勇,上場由潘明輝跑田草同程,入直路在外檔如飛殺上,負於超班馬「勝得精彩」一又四分三馬位,四歲馬仍有分在手;賽後快操仍見身靚、有爭勝水準;今仗再戰同程,配夏禮賢孭124磅排二檔,慳D腳程在內欄稍留,望騎師走位醒目、唔好塞,同場有「團結精神」快放,有足夠步速比「魅影揚飛」爆一段上嚟,配夏禮賢一定有分頭,以往跑黏地也入圍,如發揮得好,可穩位望贏;「團結精神」跑法主動、勝後再戰C跑道同程、仍有機會;「加州多寶」跑回千二會有不同的演出、東廄未勝之新馬好鬥志;「噴火龍」例追一段、四歲馬仍有分在手。

馬王巨樂部提供

第五場           12小奇妙           9有衝勁           2如沐春風           4靈鋒

第八場           6魅影揚飛           5團結精神           2加州多寶           10噴火龍

(馬王 14/4/2019)

全民俾LIKE 人人「些牙」!

.