今季何澤堯成績超然,截至6月25日之前已贏出52場頭馬,應該屬近十年來一季贏得最多頭馬數目的華將;據說何澤堯認為今季在香港可以突飛猛進的原因,是在今季開季前曾在英國客串,在客串期間令自己的騎功更進一步;今季完結後,何澤堯將會再去英國客串。

多次指出馬圈是一個現實的地方,只要你搏失幾場馬,支持度就會自然減少,那怕你以前是如何出類拔萃;特別要和香港的華將指出,如不進步支持就會自然流失,唔使講太多,各位華將比較一下自己每季的頭馬數字就會知道自己有無進步。

練馬師沈集成曾經對其徒弟巫顯東指出,如果其騎功不進步就會被人淘汰,如今證明此話絕對屬實;大家可以看到巫顯東自畢業之後,支持度明顯大幅下降,如巫顯東再不進步,下場就只會如吳嘉晉一樣被馬圈淘汰;其他華將如梁家俊、楊明綸、蔡明紹其實成績都比起其全盛期有所退步,特別是這三位大師兄都在今季都有好多「輸得難睇」的場面。

最後亦要提一提新的見習生陳嘉熙,老實說他未可以交出一個正常十磅仔的水準,特別是最近佢輸的三隻馬「良才」「喜裝寶」「瀟洒王子」都是以超快步速快放大敗而回,如果用「贏馬神器」的懲罰指標用在這三隻馬上,馬會早已用天條重罰陳嘉熙;陳嘉熙現在需要學習帶埋個「腦」去跑馬,了解自己的座騎,判斷賽事形勢和留放段速都有大幅加強必要,要再沒有進步,陳嘉熙即使有十磅支持亦好快會被淘汰。

(鹵味男  28/6/2019)