【癲狗波經】繼上星期英超之後,同屬歐洲四大聯賽嘅西甲同德甲都會喺明晨開「咧」。兩支衛冕球隊都喺同日上演「開咧戰」,力爭西甲3連霸嘅巴塞隆拿將會作客巴斯克一哥畢爾包,而挑戰德甲8連冠嘅拜仁慕尼黑就迎戰首都球會哈化柏林。

老臣子走「仁」改頭換面 生力軍加添衛冕本錢

拜仁慕尼黑 VS 哈化柏林

直播: Now670台、有線611台 8月17號 02:30

拜仁慕尼黑今夏變動極大,喺後中前場都有人員變換。首先,2R洛賓(Arjen Robben)同列貝利(Franck Ribéry)兩位老臣子約滿離隊走「仁」、正選中堅曉姆斯(Hummels)重返宿敵多蒙特、而哈美斯·洛迪古斯(James Rodriguez)喺借用期後,由於表現欠佳返去西甲皇馬。

拜仁破球會紀錄簽盧卡斯‧靴南迪斯,係世界身價第二高後衛 (Bayern)

由於拜仁上季同「蜜蜂軍團」多蒙特爭標形勢激烈,唔係季中之後反彈,一早畀多蒙特打玻7運冠嘅美夢,而單季失32球更加係球會自2010-11球季以嚟最高嘅一季。有見及此,拜仁分別由降落德乙嘅史特加同埋西甲馬體會,前後用咗1.15億歐元簽入兩名法國國家隊防守主力柏華特(Benjamin Pavard)同埋盧卡斯·靴南迪斯(Lucas Hernandez),後者嘅加盟同時都解決咗奧地利左閘艾拿巴(Alaba)冇後備球員嘅情況。

辛尼嘅受傷打亂咗拜仁買人部署 (THE GUARDIAN)

而拜仁今個夏天頭號目標利萊·辛尼(Leroy Sane),因為喺早前代表曼城出戰社區盾嗰時嚴重受傷,幾近收咧。所以拜仁最後向意甲國米以「先借後買」方式羅致已經年屆30歲嘅克羅地亞翼鋒比列錫(Ivan Perišić),呢位翼鋒早年效力過德甲禾夫斯堡,對德甲並唔陌生。相信佢會同法國翼鋒京士利高文(Kingsley Coman)合組新雙翼,取代2R過去喺拜仁嘅角色。
傷停資料
拜仁慕尼黑                                 哈化柏林
14.比列錫 (停賽)                  2.比卡尼克
16.J.迪羅遜
21.馬雲柏丹赫迪
23.A.麥爾

巴塞前場有增無滅 勢要續做西甲大佬

畢爾包 VS 巴塞隆拿

直播: now611/632台 8月17號 03:00直播

美斯夥拍基沙文領銜巴塞前線,令人不禁期待 (Joan Monfort/Associated Press)

巴塞隆拿上季雖然喺西甲輕鬆封王,但球隊喺歐聯同國王盃接連失利,外界認為除咗後防經驗不足之外,前場球員都係一大問題。今個夏天,球隊喺轉會市場上未有半點鬆懈,斥資超過兩億歐元(約十七億港元),希望再次稱霸本土賽事同歐聯,其中重點收購係由馬體會簽入28歲法國球星基沙文(Griezmann)同埋上季幫助荷甲阿積士打入歐聯4強號22歲年輕中場法蘭基·迪莊(Frankie De Jong)。

威廉斯屬於當打之年,為畢爾包近年最佳翼鋒之一 (阿斯報)

而「巴斯克雄獅」畢爾包雖然一直堅持使用喺巴斯克地區土生土長嘅球員而從來唔會喺轉會窗大曬金錢,除非回購返一啲巴斯克人。但近年一直都有培養出大量好波之人,而目前陣中有位球員大家唔可以忽視。
佢係加納裔但喺巴斯克出世嘅威廉斯(Inaki Williams),先前有傳加盟曼聯嘅佢而家同球會簽咗一張長達9年嘅合約,而違約金更加高達1.36億歐元。
呢位25歲嘅翼鋒,喺2012年加入畢爾包青年軍,並一直效力至今。威廉斯喺上季西甲悉數上陣,並射入13球,絕對係球會前線皇牌。而且佢速度有返咁上下,巴塞後防絕對要打醒12分精神。
傷停資料
畢爾包                                             巴塞隆拿
4.恩尼高·馬天尼斯                         6.圖迪保
11.恩尼高·哥杜巴                         10.美斯
19.伊拜·高美斯                             13.尼圖
30.古路沙達                                  21.法蘭基‧迪莊
This image has an empty alt attribute; its file name is givelike.jpg
This image has an empty alt attribute; its file name is md-ball.jpg