萬眾期待嘅英格蘭超級足球聯賽上星期再度回歸,「開咧」戰已於2019年8月9號晚展開,上季亞軍利物浦以4比1擊敗「升班馬」諾域治。另外,「紅魔」曼聯以4比0擊敗「藍軍」車路士。咁到底今個星期又有啲咩賽事值得大家關注呢?以下係小編覺得本輪值得一睇嘅賽事

目前英超積分榜 (instagram.com, @premierleague)

阿仙奴vs般尼

英超 阿仙奴 對 般尼 17/08 19:30直播 : Now TV 621台

奧巴美揚近況唔錯,上場射入全場唯一入波 (instagram.com, @premierleague)

阿仙奴將喺8月17號香港時間晚上7:30於主場酋長球場迎戰般尼,兩隊喺上週「開咧」戰中都有夢幻開局,「槍手」以1:0客勝紐卡素,而般尼在主場3:0大勝修咸頓。

修咸頓VS利物浦

英超 修咸頓 對 利物浦 17/08 22:00直播 : Now TV 621台

「聖人」修咸頓上場作客般尼慘吞3蛋,今季首場主場比賽,就要對住今季奪冠熱門之一嘅利物浦,呢一場係被外界認為實力懸殊嘅比賽,比賽會喺8月17號香港時間夜晚10點進行。目前唯一對利記不利嘅消息係門將位置一傷再傷,第二阿祖安(Adrián)喺歐洲超級盃贏波慶祝期間,被球迷用腳傷右腳,上陣成疑。

曼城VS熱刺

英超 曼城 對 熱刺 18/08 00:00直播 : Now TV 611台4K & Now TV 621台

今週重頭戲莫過於應屆英超冠軍曼城主場迎戰熱刺,上一輪作客「錘仔幫」韋斯咸5:0橫風掃落葉式大勝對手。而曼城繼上季歐聯之後,再遇到熱刺呢隻攔路虎,退「熱」應該無難度。是關曼城近年喺英超面對熱刺完全係一面倒,無論主客碰頭,近五次曼城對住熱刺都係不敗佳績,有四次對陣更加係全勝。

史達寧季初已經大爆發,上場作客韋斯咸已經轟入3球(Getty Images)

而且曼城前場嘅史達寧(raheem sterling)著晒火,上場已上演「戴帽」,加埋曼城其他進攻球員,肯定全開火力。

上輪熱刺對維拉,喺換入艾歷臣前根本判若兩隊(Getty Images)

相反,熱刺首輪主場對升班馬阿士東維拉喺大部分時間都係落後於對手,換入艾歷臣之後即時「升 Le」,加強返創造性,將球隊只係喺分邊路進攻斬波模式改變,最後先反敗為勝。況且,艾歷臣本人一直有傳想離隊他投,軍心自然散煥。而前線主力之一嘅韓國前鋒孫興慜跨季繼續停賽,英格蘭中場阿里仍因傷倦勤,令熱刺始終未能夫添攻「城」。相信熱刺單靠哈利‧簡尼(Harry Kane)一人支撐前場必定獨力難支。所以,以現時熱刺嘅單簿進攻力,面對曼城嘅夫添後防,要入波談何容易?

狼隊VS曼聯

英超 狼隊 對 曼聯 20/08 03:00直播 : Now TV 621台

作為本輪最後一場比賽,排頭絕對唔可以睇少。事關狼隊上季對親”Big6″都戰績彪炳,隊隊見到呢隻「狼」都頭痛萬分。咁紅魔可唔可以創造二連勝呢? 密切留意本週英超賽事!

This image has an empty alt attribute; its file name is givelike.jpg

 

This image has an empty alt attribute; its file name is md-ball.jpg