聽日凌晨(8月20號)上演英超第二輪獨腳戲,由狼隊主場迎戰狼隊。曼聯今夏擴軍成為英超列強之最,特別針對後防位置進行大換血。而今場作客上季「巨人殺手」狼隊,乃「紅魔」新防線一大考驗。事關曼聯上季三鬥狼隊不勝,包括3週內先後喺足總盃8強同聯賽1:2敗走摩連奴斯球場,領隊蘇斯克查今次可唔可以幫曼聯一雪前恥,後防表現同臨場調動相信係至關重要。

英超 狼隊 VS 曼聯 now621台 明晨03:00直播

曼聯重組防線 狼隊勝在夠「狼」

雲比-沙卡加盟曼聯後迅速融入防守體系 (Getty Images)

上季曼聯後防點差大家有目共睹。而曼聯今季大執成條防線,新加盟嘅本土右閘雲比-沙卡(Aaron Wan-Bissaka)迅速融入球隊,完全對住自己5000萬鎊身價。雖然佢上季效力嘅水晶宮聯賽成績一般,但佢喺右路演出穩健,上季英超攔截成功率高達92.8%。而喺今季英超首輪比賽入面,雲比-沙卡取代艾殊利‧楊格(Ashley Young)成為「紅魔」正選右閘,協助曼聯4:0大勝車路士。
雲比-沙卡喺全場比賽做到攻守平衡,全場交出5次搶斷、3次攔截同埋1次關鍵傳送。佢能夠初來報到就保持到上季水準實在難得,因為回望過去有好多好球員因為加盟曼聯所承受嘅壓力而令自己表現一直欠佳。

馬古尼上場表現不俗,協助﹁紅魔」零封車仔 (Getty Images)

另外,由李斯特城以8000萬鎊加盟嘅馬古尼(Harry Maguire),制空能力極強,早喺李城效力期間已經表現出同佢年紀唔相符嘅冷靜以及領導力,而且佢經常後防幫助球隊入波。不過馬古尼嘅轉身速度慢,過往面對一啲快速反擊都顯得非常狼狽。

祖達係狼隊進攻重要核心 (Getty Images)

而狼隊其中一大殺着正正係快速進攻,其中葡萄牙籍前鋒迪奧高‧祖達(Diogo Jota)更加係曼聯今場要重點盯防人物之一。事關祖達喺上季狼隊兩次主場對曼聯嘅比賽都有斬獲,相信係紅魔心腹大患。而狼隊今季喺唔同佳置都有人腳上嘅增添,希望喺歐霸獲取佳績之餘,更可以衝擊聯賽前六位置。但狼隊今季開「咧」早,會唔會好似上季般尼咁越踢越沉,真係要睇過先知。
This image has an empty alt attribute; its file name is givelike.jpg
This image has an empty alt attribute; its file name is md-ball.jpg