英超終於返嚟喇,曼聯今晚(9月14號)喺主場奧脫福球場迎戰「狐狸」李斯特城。「紅魔」今季除咗首輪主場大炒車路士4蛋之後,其餘3場比賽不勝令人失望不已。相反,「狐狸」今季喺羅渣士(Brendan Rodgers)帶領下狀態「弗爆」未嘗一敗,所以,今晚紅魔分分鐘陰溝裡翻船都唔定。

馬古尼今個夏天以8,000萬鎊加盟曼聯,今晚就要倒戈李城 (Talk Sports)

兩隊各有倒戈 普巴無緣鬥「李」

今晚兩隊各有球員倒戈,紅魔呢邊有今季最重點收購嘅哈利‧馬古尼 (Harry Maguire)倒戈,而李城守將莊尼‧伊雲斯(Jonny Evans)同樣倒戈。而曼聯經歷國際賽期之後,竟然有多達7位球員會缺陣,包括普巴(Paul Pogba)、馬舒亞(Anthony Martial)、連加特(Lingard)、雲比沙卡(Aaron Wan-Bissaka)、盧克‧梳爾(Luke Shaw)。由於前中後場都有主力球員缺陣,勢必對領隊蘇斯克查(Ole Gunnar Solskjær)喺用人排陣上繼續有排頭痕。

李城季初狀態勇

華迪季初狀態好,有望射破紅魔大門 (地鐵報)

至於羅渣士帶隊嘅李斯特城,縱使今季冇咗後防重心馬古尼,喺今季英超4戰2勝2和暫列聯賽第三,仍然係3隊不敗之師之一(其餘為曼城以及利物浦)。而首席射手「老大哥」占美‧華迪(Jamie Vardy)4戰入3球,狀態「弗爆」,呢位32歲前英格蘭國腳喺國際賽期間養精蓄銳,絕對係今場紅魔嘅一大威脅有望於奧脫福威脅紅魔防綫。

直播 : Now621台 星期六 22︰00

延伸閱讀: 本週六癲狗波經貼士This image has an empty alt attribute; its file name is givelike.jpg