美斯第6度奪得世界足球先生寶座 (FIFA官網)

國際足協喺意大利米蘭舉行年度頒獎禮,頒發多個獎項表揚過去一年有出色表現嘅足球員,而上季表現平平無奇嘅美斯(Lionel Messi)就爆冷以46分力壓38分嘅雲迪積克(Virgil van Dijk)以及36分嘅C朗拿度(Cristiano Ronaldo),繼2009年至2012年以及2015年之後,第6次榮膺世界足球先生,成為足球史上獲獎次數最多嘅球員,並超前C朗成為獲獎最多的球員,同時入選年度最佳11人陣容。

其實自2008年起,美斯以及C朗已經連續12年一同成為世界足球先生最後3強。兩人壟斷多年,一直到上年由帶領克羅地亞殺入世盃決賽嘅摩迪(Luka Modrić)先打破兩人長達10年嘅壟斷。而今年就有早前奪得歐洲足協最佳球員嘅雲迪積克挑戰兩人,但最後竟然大熱倒灶。其實美斯喺上季除咗幫巴塞拎到西甲冠軍之外,先後失落國王盃以及歐聯。而國家隊喺美洲盃4強又不敵巴西出局,令外界有聲音質疑點解今次美斯仍然可以問鼎世界足球先生寶座。

而雲迪克雖然失落世界足球先生寶座,但佢連同當選最佳門將的巴西國門隊友艾利臣(Alisson)一同入選年度最佳11人陣容,而其餘入選的還包括馬菲斯‧迪歷特(Matthijs de Ligt)、沙治奧‧拉莫斯(Sergio Ramos)、馬些路(Marcelo),摩迪、夏薩特(Eden Hazard)、法蘭基‧迪莊(Frankie De Jong)、C朗拿度以及安巴比(Mbappé )。但最佳11人陣容同樣充滿爭議,事關上述幾名皇馬球員喺上屆表現不佳,球隊聯賽失利兼歐聯16強出局。

高普首度當選年度最佳教練 (利物浦官網)

至於年度最佳教練由上季帶領利物浦歐聯冠軍的高普(Jürgen Klopp)獲得。


This image has an empty alt attribute; its file name is givelike.jpg

更新時間 : 2019年9月27號(五)05:15
建立時間 : 2019年9月24號(二)07:20