熱刺主場慘敗拜仁慕尼黑2 : 7 (Fox Sports)

歐聯小組賽次輪噚晚上演,8場比賽入面至少2場爆出驚人賽果,應屆歐聯亞軍熱刺主場慘敗拜仁慕尼黑2 : 7,而皇家馬德里主場打多一個只能2 : 2逼和布魯日。

拜仁慕尼黑喺今晨歐聯B組分組賽,作客7 : 2大炒熱刺。雖然熱刺係先開紀錄嘅一隊,但其後拜仁連2球,半場2 : 1返番更衣室。而拜仁更加喺下半場連續攻入5球,當中曾經效力阿仙奴青訓嘅小將基拿比(Serge Gnabry)更加「大四喜」,拜仁小組兩戰全勝排榜首。

而熱刺呢場大敗,除咗係繼1995年後首次喺歐洲賽單場失七粒,亦係隊史同埋英超球隊歷來喺歐戰主場最大敗仗。而熱刺對上一次一場失七粒,已追要溯到1996年英超1 : 7輸比當時如日中天嘅紐卡素。

而基拿比喺賽後於 Twitter風騷發文,表示「北倫敦係紅色!!!」,明顯係串緊同區宿敵熱刺嘅白色。呢個比賽結果令邊個最開心? 除咗拜仁迷,大概就係「阿迷」啦。

另一支英超球隊曼城喺C組主場以2:0輕取克羅地亞班霸薩格勒布戴拿模,小組兩戰全勝排喺榜首。

而歐聯A組分組賽第二輪,皇家馬德里喺主場迎戰比利時班霸布魯日,本來以為輕鬆嘅賽事皇馬踢得極為吃力。皇馬半場攻勢極多,但客軍把握兩次快攻,由尼日尼亞前鋒艾文奴斯‧丹尼斯(Emmanuel Dennis)「梅開二度」,半場領先皇馬2 : 0。而喺換邊後,皇馬開始有所轉變,先將門將古圖奧斯收起,並快速追返一球。但之後久攻不下,一直處於拖拉戰。但布魯日喺最後階段因為隊長禾馬(Ruud Vormer)兩黃一紅離場,多打一個嘅皇馬喺一分鐘後,由卻奧斯(Toni Kroos)傳中造就卡斯米路(Casemiro)頂入。最終,皇馬主場只能夠以2 : 2逼和布魯日,小組暫時敬陪末席。

其他賽果:
貝爾格萊德紅星3 : 1奧林比亞高斯

加拉塔沙雷0 : 1巴黎聖日門

貝爾格萊德紅星3 : 1奧林比亞高斯

阿特蘭大1 : 2薩克達

祖雲達斯3 : 0利華古遜

莫斯科火車頭0 : 2馬德里體育會

This image has an empty alt attribute; its file name is givelike.jpg

更新時間 : 2019年10月2號(三)15:54
建立時間 : 2019年10月2號(三)15:44