利記擊敗曼城後,將榜首優勢拉至左九分距離。(AFP)

利曼大戰於今晨展開,雙方都因球員受傷而微調陣容,最終坐陣主場嘅紅軍憑法賓奴以及沙拿嘅入球以3 : 1擊敗曼城,將榜首優勢拉到九分。

開賽僅五分鐘,紅軍就由週中歐聯休息嘅法賓奴喺禁區外勁射破網,去到第十二分鐘,沙拿接應羅拔臣左路傳送頂入成2 : 0。換邊後僅五分鐘,利記再故技重施,隊長佐敦軒達臣右路傳中,文尼近門頂成3 : 0。去到78分鐘,賓拿度施華禁區內起腳幫曼城破蛋。最終利記3 : 1擊敗曼城,賽後12戰得34分,領先次席嘅李斯特城八分,而曼城輸波後得跌落第四。


更新時間 : 2019年11月11日(一)15:46
建立時間 : 2019年11月11日(一)04:24