港隊0 : 0 守和巴林,取得寶貴一分。(癲狗記者 Henry Li攝)

世界盃亞洲區外圍賽次圈C組,世界排名147香港對101位巴林嘅賽事,晚上八點喺香港大球場舉行,有蒙面的防暴警於球場入口戒備,現場氣氛凝重,但仍然有球迷高叫口號。雖然今場港隊傷兵滿營,但最終眾志成城,0 : 0 守和中東勁旅巴林,取得寶貴一分。

今場港隊排出4-5-1陣容,由隊長黃洋正選領軍,而獲重召嘅巴西裔前鋒基奧雲尼亦喺11人正選名單之中。至於後防方面,中堅艾里奧因傷退居後備,正選位置由梁諾恆擔正,鄭兆均亦正選披甲。賽前有球迷在場外派黑絲帶,以及喺奏國歌儀式,噓中華人民共和國國歌,並背對球場。上半場雖然巴林佔優,但港隊後防發揮出色,導致對手無法製造任何有威脅射門。而喺第22分鐘,一眾球迷又為早前離世嘅科大生周梓樂默哀一分鐘。

下半場63分鐘,港隊幾乎打開紀錄,當時鄭兆均主射左路罰球,羅拔圖喺禁區一頂,僅僅柱邊出界。其後巴林連番攻勢都被港隊後防一一化解,最終港隊主場0 : 0巴林,拎到寶貴一分。

【癲狗直擊】香港大球場世界盃亞洲區外圍賽香港對巴林嘅賽事,晚上八點喺香港大球場舉行。本報波經組記者正在採訪今場賽事,現場有人噓中華人民共和國國歌🇨🇳。記者 : Henry—————————————————————————《癲狗日報》Facebook : https://www.facebook.com/maddog.hk/Twitter : https://mobile.twitter.com/maddognewsdeskYoutube : https://www.youtube.com/channel/UC-zRw57Dqgaj7hoRTlDoLqwOfficial website :https://maddog.myradio.hk癲狗報料 TG :https://t.me/maddogdailyreport支持癲狗日報 :https://maddog.myradio.hk/md-pricelist/

Posted by 癲狗日報 Maddog.HK on Thursday, 14 November 2019


更新時間: 2019年11月14日(四)22:11
建立時間: 2019年11月14日(四)21:59