摩連奴帶領熱刺球員進行歐聯賽前集訓。(圖片來源:Getty image)

歐聯今晚重燃戰火,B組英超熱刺主場面對希臘班霸奧林比亞高斯,新上任嘅領隊摩連奴上星期接掌熱刺之後帶領球隊作宮3:2擊敗韋斯咸,中止聯賽作客12場不勝,相信今晚摩佬絕對希望可以帶領熱刺延續強勢。

熱刺喺歐聯小組賽中暫時以2勝1和1負嘅成績積得7分排喺小組第2位置,今場比賽只要擊敗對手就可以提前鎖定小組出線資格。目前隊內除咗主力門將洛里斯以及中堅維頓漢因傷無法出戰之外,熱刺人腳大致齊整。但需要注意嘅係隊中重心基斯甸‧艾歷臣,今季表現平平嘅佢上場只有10分鐘嘅出場時間,佢進攻位置已經畀迪利‧阿里取代,而且同球隊合約只剩低半年,摩連奴喺賽前記者會避談艾歷臣問題,只係希望大家專注佢喺場上表現,而唔係佢喺他球隊嘅將來。

奧林比亞高斯目前喺聯賽中以8勝3和不敗戰績位處聯賽榜首位置。但喺歐聯表現不盡人意,頭4輪僅以1和3負成績排喺小組榜尾位置,落後排名熱刺已經有6分之多,出線形勢十分渺茫。而且歐聯小組賽每場比賽都失波,加上中後前場都有傷兵問題,難免被外界一致睇低。

(直播:TVb Super303台、有線616 & 656台、Now643台 週三4:00a.m.)

至於A組嘅西甲皇家馬德里將會喺主場班拿貝球場迎戰已經篤定出線資格嘅法甲巴黎聖日門。

巴黎聖日門經過頭四輪全勝得12分成為今季首次晉身16強嘅球隊。皇馬以7分緊隨其後,排第3嘅比利時班霸布魯日僅以2分排第3,2隊積分有粟大距離,只要皇馬今場全取3分,就可以即時晉身歐聯16強,加上可以威脅到巴黎榜首位置,一眾球員戰意唔洗懷疑。

(直播:有線603 & 604台、Now645台 週三4:00a.m.)

另外,D組同樣上演榜首大戰,由意甲祖雲達斯迎戰近況一般嘅西甲馬德里體育會。「斑馬兵團」今場有早前聯賽休息嘅C朗拿度復出領軍,加上全取3分就鎖定首名出線,絕對有力贏波而回。

(直播:Now630 & 633台 週三4:00a.m.)

更新時間: 2019年11月26日(二)13:37
建立時間: 2019年11月26日(二)07:59