美智子於涉谷舉行香港反修例抗爭的攝影展。(癲狗記者火水佬攝)

攝影師きせき美智子(幾石倫子)係小數喺香港拍攝近半年反修例運動嘅日本攝影師,美智子喺七月初嚟港,細過曾經住喺香港三年嘅佢,原本計劃嚟香港港拍攝寫實照,但咁啱遇上反修例示威,而決定喺前線拍攝。美智子拍攝嘅相片曾經刊登喺《讀賣新聞》、《週刊文春》等日本主流媒體。

美智子同本報記者話:「我住過香港三年,本來嚟香港係尋找兒時回憶,但見到香港反修例運動,令我覺得香港發生嘅事遲啲都有機會發生喺唔同地方。所以我決定紀錄抗爭現場情況,將香港真實一面傳返日本。」

另外,美智子表示願意喺前線拍攝嘅原因係自己係「警暴」嘅見證者,佢試過喺衝突現場見過一名年青人被警員以極不合理武力對待,令佢印象深刻。另外,又曾經被催淚彈擊中以及中「椒」。佢一直留喺香港直到理工大學事件為止後先返去日本,而家聯同另一名日本電視台記者喺日本首都東京涉谷舉行攝影展,「我而家喺涉谷舉行緊一個攝影展,用影像去畀所有日本人瞭解真相。」。