十二月有九次賽事,今晚已是第八次,本欄過去個多月的《癲狗馬膽》成績實在慘不忍睹,不幸變燈我們要向讀者致歉,錯要認,打要企定,很多次的馬膽都是敗得不值,現今香港賽事最大問題是馬匹演出不穩定連貫,忽龍忽蟲,騎師過往如潘頓演出飄忽已司空見慣,而家連雷神都係咁,仲有蘇兆輝更離譜,今次客串完全變咗另一個人,連尤達師兄都特登喺馬後砲節目插咗佢一集,點都好我哋資料組仝人會檢討過失,希望儘快止跌回升,重振雄風,報答各位支持。

 

[餘皇]自韋達接手後改變操練手法已見明顯進步,上仗更打開勝利之門,賽後韋達繼續親試,拍跳出步有力情緒集中,狀態持續提升,今仗續跑五班賽仍具優勢,馬房打埋皇牌明顯趁馬勇乘勝追擊,今換手風大順的巴度更如虎添翼,勝途再戰可期連捷,值得再追一次。

 

癲狗馬膽          第一場        2餘皇

(資料組   26/12/2019)