上個月的日本盃首次沒有外隊馬來參加,其實近幾年在參加日本盃的外隊馬已經少之又少,大部分都是歐洲二三線馬來陪太子讀書,最主要原因是沒有機會贏,所以日本盃才沒有外隊馬來參賽。

自「傲家聲」成了最後一匹以外隊馬身份贏出日本盃後,之後日本盃一直都是主隊馬的天下;主要原因是日本在主流賽馬世界中,跑2400米賽事已經可以和世界列強睇齊;即使今時今日歐洲隊派出如「卓芙」Enable到日本參賽,扣除了日本馬場的十分快的草地和遠征的不利因素後,爭勝機會已經大打折扣;無機會贏的賽事仲要我舟車勞頓派馬過來,已不合乎經濟效益。

相反香港瓶獎金雖然低過日本盃好多,但因主隊對手最強都只是「時時精綵」,更甚的是主隊只派出「川河尊駒」「好好瑪」上陣,贏唔贏到「時時精綵」都屬後話;我派隻正宗哩半馬來香港最少可以贏到「川河尊駒」「好好瑪」,因此有機會贏就會有個最大誘因來遠征搵錢,即使贏唔到都可以搵番D獎金使費,加上馬會包晒所有運費和隨行人員的衣食住行所有開支,在經濟效益上絕對值得來港遠征。

因此日本提出特別獎金和改善檢疫設施以吸引外隊馬參戰的做法,其實是沒有用的,最緊要係做到有機會俾人贏下,外隊才有遠征的誘因,香港國際賽(除香港短途錦標)就是有給外隊贏的機會,才會有人遠征,如果一場國際賽事長期給主隊馬贏晒,俾著我都唔敢同你跑啦!