西維爾主場僅1 : 1迫和畢爾包,痛失兩分。(馬卡報)

西班牙甲組足球聯賽重燃戰火,今晨進行兩場賽事,華拉度列最終喺主場2:2逼和曾經兩度領先嘅雷加利斯,賽後雷加利斯得14分排尾二,繼續深陷降班旋渦。

另外,西維爾主場只能1 : 1迫和畢爾包,賽後西維爾以35分繼續排第三,而畢爾包就得29分暫時升上第七。

西甲喺本港時間今晚起,繼續上演多場賽事。榜首嘅巴塞羅拿將會作客榜尾嘅愛斯賓奴,上演加塔隆尼亞打吡。愛斯賓奴今季聯賽成績勁差,事關球隊又要踢歐霸,兵力薄弱根本無力應付幾條戰線,自10月底至今一場聯賽比賽都未贏過。至於排第二嘅皇家馬德里,就會作客近年冒起嘅同城球隊基達菲,呢支馬德里細球隊上屆差少少就打入歐聯小組賽,今屆同時應付三條戰線,聯賽排喺第五,絕對令人意外。另外,排第四嘅馬德里體育會將會主場迎戰利雲特,只要贏波就可以壓過今輪和波嘅西維爾升上聯賽第三位。

#癲狗日報 #癲狗波經 #西甲

更新時間 : 2020年1月4日(六)08:28
建立時間 : 2020年1月4日(六)08:13