利物浦一球小勝愛華頓,晉身16強。(路透社)

英格蘭足總盃第3圈32強上演重頭戲「馬西塞特郡打吡 」,由利物浦主場迎戰愛華頓。「紅軍」今場遇上今季唯一擊敗過佢哋嘅前拿玻里教練安察洛堤(Carlo Ancelotti),呢位意大利名宿自上月上任「拖肥」教練一職後,已經令愛華頓逐步重回正軌。最終,利物浦憑住18歲小將鐘斯(Curtis Jones)一記「世界波」,以1 : 0擊敗愛華頓,打入16強的比賽。

「紅軍」今場採取半輪休,大部分主力位居後備或者休息備戰聯賽。而剛於冬季轉會窗加盟的日本球員南野拓實(Takumi Minamino)首度正選登場,南野身穿18號球員,夥拍年僅16歲嘅土炮艾利諾(Harvey Elliott)以及奧利基(Divock Origi)攻堅。但開賽初段「紅軍」就迎嚟壞消息,老將詹士‧米拿(James Milner)拉傷退下火線,愛華頓初段一度佔優,但三次射門都過唔到西班牙籍門將阿祖安(Adrián)十指關。中段開始利物浦逐漸掌握主導權,高控球但射門欠奉。最終半場雙方0 : 0返回更衣室。

下半場,「紅軍」喺70分鐘由小將鐘斯為球隊打開紀錄,佢接應傳奧利基嘅傳波,喺禁區外再用右腳射出一記「世界波」,門將碧福特鞭長莫及。最終「紅軍」以1 : 0擊敗「拖肥」,晉身下一圈淘汰賽。

多支英超球會都會出戰足總盃第3圈,大部份都對陣低組別球會,天晚阿仙奴會主場迎戰英冠列斯聯。

#癲狗日報 #癲狗波經 

更新時間 : 2020年1月6日(一)02:44
建立時間 : 2020年1月6日(一)02:38