美斯今場表現唔錯,但無阻馬體會3 : 2反勝巴塞。(馬卡報)

西班牙超級盃4強喺中東沙地阿拉伯上演,馬德里體育會最終以3:2反勝巴塞隆拿,一改近年對巴塞嘅頹風,決賽將會面對同城死敵皇家馬德里。

上半場,雙方製造唔少攻勢,但最終無功而返。下半場開賽僅15秒,中場高基(Koke)接應安祖·哥利亞(Angel Correa)傳球射入。落後嘅巴塞喺落後5分鐘後迅速追和,美斯(Lionel Messi)喺馬體會多名守將夾擊下射入。去到59分鐘,美斯再次建功,但球證翻睇VAR片段後,認為他手球先,因此入球無效。59分鐘,倒戈嘅基沙文(Antonio Griezmann)把握機會近門頂入,協助巴塞反超前。74分鐘,碧基(Pique)近門撞射入網,球證翻睇VAR片段後,認為越位在先,入球無效。80分鐘,域度奴(Vitolo)博得十二碼,莫拉達(Alvalo Morata)操刀射入為緊體會追平。去到86分鐘,莫拉達助攻安祖·哥利亞射入決定勝局嘅一球。最終,馬體會以3:2反勝巴塞,決賽將會面對同城死敵皇家馬德里。

西班牙超級盃今季開始改制,由以往聯賽冠軍對陣國王盃冠軍,改為聯賽前4名展開對決,並在季中展開,而非先前的聯賽開咧戰前一星期。

更新時間 : 2020年1月10日(五)08:24
建立時間 : 2020年1月10日(五)07:08