上星期六韋達馬房傾巢而出展開大攻勢,結果憑[輝煌芯]及[廣陵王]起孖,雖然[輝煌芯]屬一面倒大熱,不過馬房卻輸掉[威風凜凜][紅粉彩影]及[量化歡騰]三匹大熱門,合共輸掉馬迷超過四千萬,這三匹馬鞍上人正是田泰安! 呢位阿哥本身已經唔係乜嘢頂級高手,季初杜美爾仍在時支持量已經減少,後來杜美爾退牌他才重獲練者信任,但今季不少賽事盡顯他唔夠班欠穩重,甚至予人難負重任之感,[幸福笑容]今季三連勝全出自田泰安,不過馬主卻找來莫雅出戰經典一哩賽便可見一斑! 我哋老總尤達師兄已多次在文中節目中招呼過佢,雖然他今季贏得國際騎師錦標賽,係人都知佢只贏在啲馬並非本身騎功,不過佢而家又可以穩佔騎師榜第三位,總之韋達嗰日就真係唔該晒佢喇!

 

[萬眾之力](上圖)前仗敗於田泰安手上,其後重配利敬國便馬上補中,今仗雖初上三班但本身此程三戰兩冠一季全數入圍,賽後運返重化作調整性操練,本身體重回升至1025磅,馬佳態持續火氣仍盛,三歲馬越跑越進步,今比上仗少負16磅絕對是勝負關鍵,加上排得一檔加強爭勝機會,論馬三班必能企穩,強項再戰有力連捷。

癲狗馬膽           第八場          11萬眾之力

(資料組   15/1/2020)

.

全民俾LIKE 人人「些牙」!

.