剛周日的董事盃[美麗傳承]再一次落敗,其實潘頓已盡全力騎來一步不蝕,始終爛船都有三斤釘,老馬仲有兩腳,不過[夏威夷]今季進步神速,再一次平磅氣走這匹過氣馬王,而今屆無論董事盃抑或百週年紀念盃參賽馬數目偏少場面冷清,進一步顯示所謂香港頂尖佳駟出現青黃不接,上季參加打吡的四歲馬只有一匹[夏威夷]新勝GI,連[好好瑪]都只有兩匹級際賽頭馬,上月國際賽日本馬一騷18年之癢贏3場GI,香港馬除保住短途錦標外全部失守,更諷刺的是現時短途精英多為自購新馬PPG,相比這些身價不菲的自購馬,取得的成就彪炳得多,而香港打吡至今仍只是一場表列賽,為一場表列賽花天文數字,是否真的值得呢?

 

[加州雷電]上賽初戰谷草走來前快後韌,快放至終點前入僅負頭馬半個馬位,以首次谷草出賽經驗而言表現算收貨,賽後保持正常操練,單試翻步有力墜手好火,狀態更勝上回,彭國年雖未在谷草贏馬但逐漸熟習場地,陣上走位已相當靈活,今戰同程有望提升名次,人馬試準谷草開齋。

癲狗馬膽          第三場        9加州雷電

(資料組   22/1/2020)