「利記」喺足總盃意外被英甲球隊迫和,需摘日重賽。(衛報)

英格蘭本週上演足總盃第四圈,而暫時除咗熱刺以及利物浦外,其餘英超前列均晉級下一圈,其中曼市雙雄齊齊大勝炒英冠同英甲球隊。

英超「一哥」利物浦,今圈作客英甲梳士貝利,領隊高普採取輪換制,正選主要以U-23為主,早段憑18歲小將鍾斯入波,加埋對方擺烏龍,曾經一度領先兩球。不過梳士貝利喺10分鐘內連入兩球追和,最終兩隊需要重賽。

另外,曼市雙雄都大炒對手,曼城就主場以4 : 0擊敗英冠富咸。曼聯作客英甲的燦美爾,以6 : 0大炒對手,中前後場都有球員入波建功。

其餘英超球隊賽事,熱刺被修咸頓逼和1 : 1,需摘日重賽、車路士作客2 : 1擊敗英冠侯城、李斯特城1 : 0作客險勝英冠賓福特、韋斯咸以0 : 1不敵英冠西布朗,成為唯一一支第四圈出局嘅英超球隊。

#癲狗日報 #癲狗波經 #英超 

更新時間 : 2020年1月27日(一)09:06
建立時間 : 2020年1月27日(一)08:50