中華人民共和國新型冠狀病毒肺炎近一個月經空路以及海船蔓延到全球多國,其中日本、韓國、泰國等中國人熱門旅遊嘅亞洲國家,都先後由外地傳入演變成社區人傳人個案。其中,日本近日感染數字急劇上升,原於一個80歲累街坊港伯,明知廣東省深圳市撈佬眾多,感染風險極高,仍然要喺去日本前北上中國一日,結果返嚟又坐飛機又坐郵輪,至今郵輪已經有超過40人確診感染,船上幾千人人心惶惶。而佢返港求醫,仍然存心隱瞞外遊紀錄,人格卑鄙,好彩醫護人員聰明,估到佢去過中國,即時安排隔離,最後確診感染。如果唔係醫護醒扒,可能喺醫院普通病房又出現一傳十,十傳百情況,造成一班前線醫護人員感染,更加有機會造成社區爆發。

世界衞生組織(WHO)近日一直被連番炮轟根本無做好公共衞生把關,甚至對中國處處偏袒。筆者想喺度講,WHO可以正名為CHO。呢位埃塞俄比亞黑人幹事譚德塞,過去喺國內劣跡班班,多次隱瞞當地霍亂疫情失控,令多人枉死。近年全球多個國際組織已經等於中共喉舌,呢點係無容置疑,筆者根本唔想再嘥口水講太多。

中華人民共和國本來自千禧年加入WTO後,一度建立良好國際形象,2008年舉行京奧達到頂點,其後上海世博開始令外國人體驗到咩嘢叫做It is a part of China。另外,人權問題逐漸顯露無遺,先係2014年香港雨傘運動,及後打壓東突維吾爾族穆斯林、吐蕃人、各地天主教徒、甚至迫河南省少林寺門口扯國旗,已經令美國為首嘅西方民主價值國家忍無可忍。而2019年夏天香港反中運動,令中國國際形象再跌一番,無人估到呢個運動冷卻後,肺炎疫情接踵而來,時至今日中國疫情已經完全失控,如果唔係要面除嘅中國無可能畀咁多國家包機撤僑,但官方死亡率日日都係維持2.1%。

2003年SARS,香港人記憶猶新,當時特區政府人為處理失當,一班蠢官連番失誤政策,令到香港枉死299人,無數美好家庭破碎。2020年,香港人無毋忘初衷,大多都做好防疫措施。奈何特區政府一眾高官由蠢變毒,對疫情坐視不理,口罩應畀唔畀,日日開記者會狗噏當秘笈。多謝林鄭,成功將香港與中國融為一體。近日,全球多國對中國護照持有人封關,暫停免簽、落地簽、電子簽證,甚至全面禁止入境。當中部份國家將港澳特區護照都當中國護照一視同仁,包括臺灣、科威特、孟加拉、菲律賓等國家及地區。不過筆者好現實咁講,特區護照只係中國普通護照類別嘅一種,加上香港而家個情況係無掩雞籠,所以封埋香港,根本係意料中事。另外,封關更牽連到一眾持有外國護照居港、居中、居澳人士,你有BC 或BN(O)護照?No way!你有美加澳紐護照?No way!大部份封關國家已經清楚列明,唔理你咩國籍,只要近14日到訪過中港澳都不能入境,其中意大利最極端,停晒所有意國來往中港澳臺所有航班。而香港受牽連,一切一切都係以林鄭為首嘅香港特區政府死不封關,引毒入港所造成。而日本以及菲律賓嘅外地傳入個案,正正係由患者喺潛伏期間由中國經香港轉機抵達當地再發病。

最後一句,而家香港就算封關都已經太遲,於事無補,先唔講對其他國家嘅影響,一班隱形患者可能喺你日常生活刷身而過,社區爆發已經出現,如今只能做嘅係自保,但面對國際,香港人無可避免地要共享中國人榮耀,一齊被唔同國家封關,就算呢類國家話只封中國關,但特區護照上面嘅簽發國家”CHN”,已經注定你好大機會冇得入境,隨時被遣返。

以下係截止2020年2月7日為止,多國對香港(同時適用於澳門)採取嘅相關入境限制措施:

🚷 對港人有入境限制嘅國家

🔴臺灣、 🔴紐西蘭、 🟠美國、 🟠澳洲、
🟠孟加拉、 🟡日本、 🟡南韓、⚫️科威特、⚫️阿塞拜疆、⚫️馬歇爾群島#、⚫️毛厘士*、⚫️菲律賓*#、⚫️塞舌爾#、🟠溫納圖、🟠越南

⚫️ 禁止入境
🔴 只準公民、 具永久居留權及其親屬入境 /
🟠 停止落地簽證或電子簽證 / 要求醫學證明
🟡 提升旅遊警示, 並未有相應實質措施

*過去14日如果喺香港居住或逗留則禁止入境,如果入境時出示到過去14日內逗留其他國家可獲准入境

#由香港直航則禁止入境

William Luk

(本欄不定時更新。敬希讀者垂注)