西甲賽會宣佈期下聯賽暫停2星期。(GETTY IMAGES)

「武漢肺炎」喺歐美社區爆發,疫情除咗令各大體育賽事受阻之外,意甲更加有「祖記」中堅魯加尼確診感染,而西班牙足協宣佈,暫停未來兩星期西甲以及西乙賽事,繼意甲之後第2個要叫停嘅四大聯賽。

西班牙嘅新冠肺炎疫情愈來愈嚴重,已經有超過2986多人確診,首都馬德里更加係重災區,佔感染人數一半。鑑於疫情嚴峻,馬德里自治區主席阿優素(Isabel Diaz Ayuso)表示,正考慮將馬德里封城,以防病毒進一步擴散。而皇家馬德里俱樂部有確診個案,其中籃球隊有人確診感染。由於籃球隊與足球隊共用訓練基地,導致皇馬足球員都要被強制隔離2週,無法參加比賽。

西班牙足總日前曾經與賽會相討,是否需要由閉門作賽改為暫停,當時未有達成協議。但今日再開會後,終於因皇馬有人受感染而決定暫停未來兩星期西甲及西乙賽事。。

另外,《天空體育》報導,歐洲足協考慮暫停歐聯及歐霸盃賽事。近期多場淘汰賽都會閉門舉行,包括下週德甲拜仁慕尼黑對英超車路士、西甲巴塞隆拿主場對意甲拿玻里、意甲祖雲達斯對法甲里昂等等。而天日凌晨多場歐霸16強淘汰賽首回合都取消,其中西甲基達菲因為疫情而拒絕到意大利米蘭作賽。

#癲狗日報 #癲狗波經 #歐聯

更新時間 : 2020年3月12日(四)20:57
建立時間 : 2020年3月12日(四)20:43