若要講今年PS4上最令玩家期待嘅作品,其中一款肯定係由Square Enix製作,預定喺4月10日喺香港推出繁體中文版嘅 PS4 RPG大作《Final Fantasy VII 重製版(Final Fantasy VII Remake)》,早前已經正式放出遊戲第一關的試玩版供玩家免費下載遊玩。筆者作為FF Fans亦都即刻下載嚟試玩囉!究竟表現係點?睇下面評論就一清二楚。

筆者每次同朋友講到RPG遊戲時,FF7總會係畀我哋班老鬼拎出嚟津津樂道討論。早喺2015年E3展上,Square Enix宣佈推出FF7重製板,就已經令筆者相當期待。FF7係PS 1時代招牌作品,筆者喺讀書時代筆者諗玩過FF 7嘅讀者,大概都唔會忘記呢個遊戲。筆當年係由FF 8入手開始玩,但唔係一半又返轉頭玩FF 7,確實令人印象深刻。時至今日,好多人都認為FF 7係神作。今次試玩版嘅故事進度只係遊戲整體大概1%左右,所以大家都係等4月10日出正式版啦。

筆者本身玩過PS1原作,老實講,如果玩返PS1版我都仲頂得順。重製板對老手嚟講吸引力非常驚人。而整體吸引力係在於,可以畀我哋啲老手玩家以現代技術去體驗當年經典,睇住中學時候嘅經典,用最新技術打造嘅全新畫面,呢種感動係班新仔難以體驗。但對於班新世代玩家,PS1已經可以算係一部古董級主機,佢哋唔會明白當年格仔畫面係點。早前遊戲總監的野村哲曾經對此表示:「對於呢班玩家嚟講,我哋要話畀佢哋知點解當年《FF VII》係出名到無人唔識!」。 所以重製《FF VII》,畀班惠手滿足當然係必要條件,同時也一定要畀呢個新玩家享好好受到遊戲樂趣。

七代原作係純粹RPG,筆者認為今次已經唔係純RPG遊戲,而係RPG+ACT遊戲。試玩版系統上嘅表現,遊戲採用了與原作相同的ATB戰鬥系統,製作組落咗好多心機,不同於FF傳統回合制,玩家喺戰鬥期間可以隨時落指令,例如△掣,可以切換唔同戰鬥模式,並且喺同一時間加入時間緩速效果,令到戰鬥的部分更即時、流暢,呢個時間你對克勞德又◯掣下達使用魔法、技能等唔同指令。而且今次仲加入咗動作遊戲先有嘅檔格,玩家可以喺適當時機用防禦反彈敵人攻擊,同時可以施展反擊。

另外,但如果就單純以畫面表現嚟講,筆者認為已經非常精湛,畫面係用PS4 Pro運作,30FPS非常穩定,但由於呢個世代D畫面再冇咩突破可言,所以不過不失。不過如果你認為UE4引擎+SE美術組合仲係平庸,咁咩先叫美侖美奐美麗絕倫呢?

  • 遊戲名稱:Final Fantasy VII 重製版

  • 遊戲原名:Final Fantasy VII Remake

  • 遊戲類型:角色扮演

  • 對應平台:PlayStation 4(獨家)

  • 發售日期:2020 年4月 10日

  • 語言版本:中文版 語音:日語 / 英語,字幕:繁體中文 / 簡體中文 / 韓文

    英文版 語音:日語 / 英語,字幕:英文

  • 遊玩人數:1 人

  • 年齡分級:輔15級

  • 開發廠商:SQUARE ENIX

  • 發行廠商:SQUARE ENIX

  • 代理經銷:香港Sony互動娛樂

  • 官方網站:http://www.jp.square-enix.com/ffvii_remake/

更新時間: 2020年3月16日(一)22:28
建立時間: 2020年3月16日(一)22:14