意大利武漢肺炎疫情嚴重,球圈都唔能夠倖免於難,北部地區多間球員出現職球員確診個案,球會AC米蘭證實,球會技術總監兼名宿馬甸尼確診感染武漢肺炎。而佢18歲啱啱踢一隊嘅仔丹尼爾馬甸尼都確診感染。

球會喺聲明中指,馬甸尼兩父子情況穩定,將接受家居隔離直至康復為止。現年51歲嘅馬甸尼係AC米蘭名宿,擁有高超防守能力,被譽為意甲最佳中堅之一,喺2009年以40歲高齡掛靴,職業生涯曾協助AC奪得多項錦標,包括歐聯冠軍、七次意甲冠軍、以及世冠盃。

另外,另一支意甲球會祖雲達斯,繼中堅魯加尼以及中場馬度迪後,再有球員確診。26歲阿根廷籍嘅邊鋒戴巴拿喺社交網站IG表示,自己同女朋友都對病毒測試呈陽性,兩人情況良好。