中超球會山東魯能今日證實陣中32歲比利時球員費蘭尼,確診感染武漢肺炎。呢位前曼聯球員,亦係首個證實感染武漢肺炎嘅中超球員,

濟南市衛健委通報,過去一日新增一宗外地輸入確診個案,32歲嘅患者係比利時人,本月19日由阿聯酋經星加坡抵達上海,之後喺上海搭高鐵返回濟南進行為期14日隔離,昨日確診感染。

山東魯能隨後發表聲明,指費蘭尼喺隔離觀察期間,對病毒測試呈陽性反應,目前喺濟南一間指定醫院接受隔離治療,未有出現病徵。又指球會將全力配合,為費蘭尼嘅治療以及康復提供協助。

另外,「爆炸頭」前球會英超曼聯喺社交網站Twitter祝福佢本人,希望佢早日康復。