意甲班霸祖雲達斯宣布與球員以及教練沙利達成協議,大家都願意放棄四個月薪金,與球會同舟共濟,渡過難關。

祖雲達斯宣布,由於全球體育運動正受武漢肺炎疫情影響,球會得到一隊教練同球員嘅的體諒,將會進行減薪,並已經同佢哋達成協議,球員唔會出3月至6月嘅人工,預計會為球會節省9000萬歐元新酬開支,以抵抗疫情帶嚟嘅經濟影響。

當地傳媒報道指,祖記派出隊長基亞連尼做說客,希望隊友可以接受球會減薪嘅方案,得到C朗、保方以及邦路斯等具份量隊員支持,其中C朗願意放棄近1000萬歐元人工。

另外,早前確診感染嘅陣中前鋒迪巴拿,喺社交網站IG透露自己身體狀況好轉,但指早前最嚴重嗰時曾到出現呼吸困難問題。