久違兩年,Ubisoft終於喺香港時間今(廿九)晚八點開始透過Youtube直播,由澳洲當代電腦藝術家 Bosslogic操刀8個鐘,向大家展示Ubisoft旗下暢銷遊戲《刺客教條(Assasin’s Creed)》系列最新作英靈殿 (Assasin’s Creed : Valhalla)嘅海報、以及歷史背景設定。其實先前一直有消息流傳指今集新作可能係以古代北歐維京文化為背景,最終確定係會喺刺客世界見到維京人呢個戰鬥民族身影。今集由希臘神話守到北歐神話,英靈殿正正係北歐神話當中嘅天堂。佢係由掌管戰爭、藝術、同死者嘅眾神之父奧丁(Odin)會命令女武神將打仗陣亡嘅英勇戰士帶嚟呢度服侍,享受永恆嘅幸福。相信今集又會出現類似前兩集埃及以及希臘咁樣出現當地文明神靈,話唔定可以用到雷神添。以下就等記者同大家介紹下維京文明啦。

維京人係由公元8世紀到11世紀侵擾並殖民歐洲大陸沿海以及不列顛群島嘅探險家,武士,商人以及海盜。佢哋嘅足跡遍從歐洲大陸到北極廣闊疆域,歐洲喺呢一個時期又被稱為「維京時期」。而遊戲海報左邊嘅「維京船」(Viking ships)係維京文化入面最重要嘅組成部分。維京人由於長期東征西討,船可以話係佢哋賴以為生嘅工具。「維京船」製造囓材料主要取自高大筆直嘅橡樹(學名:Quercus robur)。

「維京船」分為戰船以及貨船兩種,戰船比較輕,船身極窄,轉身靈活輕便,非常耐強風急浪,打突擊戰經常可以搞掂船重身闊嘅軍艦;而維京貨船嘅船身就截然不同,又高又闊,船體非常重,喺波濤洶湧大海入面運貨航行時可以保持穩定。而兩類船共通點係通常都有彎曲船首,佢係用一整塊完整嘅橡木精雕細刻而成,而船身中間有一支桅杆,並掛有方型嘅風帆,長度為10米至30米,其平均排水量有50噸。

維京人嘅武器主要用劍、斧、以及矛槍為主。其中劍係維京人最為尊崇嘅武器,因為維京人傳統將家族嘅劍代代相傳,覺得咁樣係一件極為光宗耀粗嘅事。如果一把劍曾經被家族中某位偉大戰士或者上流貴族使用過,呢把劍就加具有價值,當時維京人認為呢啲劍係充滿特殊力量,仲會幫把劍起名。由於維京人生產力無歐洲內陸國家高,劍並非維京人嘅主要武器,更多係貴族、領主或旗下某支部隊的呀頭所使用。所以點解會見到海報主角手執斧頭,而唔係劍。另外,由於維京人打鐵能力唔好,如果用劍連續敲擊另一把劍,劍刃會產生較大裂口,最終會破壞劍嘅堅固性同埋有效性。而有啲維京劍會見到有淺槽,但其實際作用唔係電影咁用嚟放血,而係減輕劍嘅重量,去增加用劍者嘅靈活性。總括而言,靈活係維京人係佢哋打游擊同快閃嘅不可或缺優勢。

斧頭係維京人常用武器,海報入面見到男主角拎住嗰把就係斧頭。維京戰斧係由常用嘅伐木斧改良而來,頭部呈新月形,揮舞起來殺傷力極大,更加有破盾效果,而且造價極低。戰斧有分輕重,重戰斧用於大力劈砍,輕嘅短柄斧搭配盾用於近身格鬥,甚至用作飛斧。而喺戰鬥入面,維京人甚至可以用長柄斧頭嚟爬牆。

另外,海報入面可以見到維京盾,呢啲典型圓盾囓尺寸直徑大約係80至90厘米,都有少量直徑達到95厘米,或細到得70厘米。維京盾主要為木質,並以牛皮覆蓋表面,而異盾周圍就以金屬包邊,中心就同樣以金屬覆蓋,用以保護持盾者嘅的手。與羅馬人用開嘅長盾相比,維京盾係呈圓形,因為維京人體型彪炳,作戰方法主要係以單打獨鬥,崇尚個人武力為主,並唔會學身形瘦削嘅羅馬人咁靠團土隊作戰。而且維京盾靈活方便,仲加咗皮帶設計,在行軍打仗時可以將戰盾罷喺身後,到上戰場時先拎上手,保留體力。

維京人入面最為人所知嘅歷史人物係利夫·艾歷臣(古冰島話:Leifr Eiríksson;挪威語:Leiv Eiriksson,生於公元約970年-卒於公元約1020年),佢係比「文藝復興時期」嘅哥倫布(西班牙文:Cristóbal Colón;意大利文:Cristoforo Colombo;1451年-1506年5月20日)早500幾年就登陸美洲大陸。但由於維京人歷史欠缺足夠歷史文獻記載,後人只能單靠少量文字石碑以及考古遺址進行考察,只係知道佢哋係喺到達格陵蘭島之後,再一路向西航行,先到達今日嘅加拿大紐芬蘭及巴芬島。而根據《冰島傳說》記載,佢建立咗諾爾斯人聚落「文蘭」(Vinland),但唔夠十年就離開美洲大陸,有學者指係同原住民有關。記者相信今他一定會出現呢位傳奇人物,而佢嘅逝世亦都係維京時代末落嘅開始。

維京海上霸權喺歐洲開始進入中世紀之後開始衰微。喺11世紀初更加喺一場大戰輸畀東羅馬帝國而遭受毀滅性打擊,西歐諸國因為強化王權將長期藩鎮割據局面打破,開始有能力抵抗維京海盜,令維京人無辦法再靠搶掠大肆擴張,維京人先逐漸退出歷史舞台,成為歷史一部分。

記者作為一個第一集開始玩嘅鐵粉,對呢集自然有所期望,但對比上兩集狂戰土冇晒刺殺感覺,加埋維京人係東征西討,自然會覺得今集分分鐘又係類RPG玩法,而且地圖可能會係咁多集最大嘅一個,事關維京人打遍成個歐洲。所以有玩家戲稱今集會係刺客教條: 黑旗2,只係由加勒比海海盜轉做維京海盜。最後,今集可能會係跨世代遊戲機推出,PS5分分鐘可以做到全個地圖無縫連接。大家就密切期待啦

「維京時期」維京人所到之處遍佈全歐洲。

而全球首條預告片將會喺天日夜晚同大家見面,萬勿錯過!

今次破天荒直播畫7個鐘嘅澳洲數碼藝術家叫做Kode Abdo,又名 Bosslogic,自6歲開始畫家生涯,係近年一位喺社交媒體上嶄露頭角嘅澳洲數碼藝術家。最為人所知嘅為作有同 Marvel合作推出的限量版嘅《復仇者聯盟:終局之戰》海報,以及與 DC Comics 就The Rock主演、即將上映嘅《黑亞當(Black Adam)》電影所進行嘅合作。

Kode Abdo 喺 Instagram上擁有超過 180萬名fans,係當今最有成就嘅數碼藝術家之一。如果讀者想睇到Bosslogic 最新創作嘅資訊,請登入:https://www.instagram.com/bosslogic/

更新時間: 2020年4月30日(三)03:57
建立時間: 2020年4月30日(三)03:40

■癲狗報料熱線: 93564254