以往馬圈的生態一直都是重洋輕華,直至馬會近十年開始改變政策,例如減少客串騎師的人數和改變培養見習騎師的手法,我們開始見到我們的華將出賽全部都有板有眼,而且一眾華將都可以在級際賽中交出頭馬,由以往蔡明紹的「加州萬里」,梁家俊的「美麗傳承」到今年何澤堯的「金槍六十」,都是他們爭氣才有出頭的機會。

 

常言道機會是要自己把握,馬圈是一個現實,俾隻馬你搏你就要盡力跑,贏到馬才可以得到練馬師的信任。因為馬圈是個現實的地方,交唔到功課就會換人上陣,有些人會埋怨,點解有些馬華將騎完有表現,就會俾莫雷拉或潘頓搶走?只因佢地發揮正常的時候,搏馬搏得準,人地先肯交俾隻馬俾佢哋。只要華將跑得好,就唔會俾人搶走帥權,你估莫雷拉和潘頓不想取得「金槍六十」的帥印嗎?但係何澤堯跑呢隻馬交得準,先至可以保住帥權。

 

因此在此寄語華將,要為自己的騎功不斷增值,跑得唔好的賽事要檢討自己點解跑得唔好,要時常為自己「汲取經驗查找不足」,何澤堯近年暑假都到英國跑馬,就是為了提升自己的騎功進行修練,華將只要爭氣亦會有出頭的一天。

 

寫到呢度今篇是本專欄「廢青睇馬手記」最後一期,多謝各位馬迷對鹵味男支持,有緣再會。

(鹵味男  31/7/2020)