有遊客拍攝到麥佳亞於酒吧外被捕情況。(網上圖片)

【癲狗日報】英超球隊曼聯早前歐霸盃4強畀西維爾淘汰出局,今季四大皆空。但去年以高價逾8千萬鎊由李斯特城加盟嘅27歲後衛哈利‧麥佳亞(Harry Maguire)一於懶理,帶埋老婆去希臘旅遊勝地米科諾斯島渡假,但喺今日(廿一)凌晨涉嫌襲警被捕。

據希臘傳媒《Thema》報道,麥佳亞喺事發時因瑣事同2名英國遊客喺酒吧發生爭執。當地警方接報後到場處理,但麥佳亞拒絕合作,又出言挑釁同埋襲擊警員,被警方以襲警罪拘捕。警方又拘捕另外兩個涉事英國遊客,目前3人正被扣留調查。

Follow us: @MadDogDaily on Twitter | Mad Dog Daily on Facebook

麥佳亞所屬球會發聲明表示得知事件,已經聯絡麥佳亞,指佢會全面配合當局調查。現階段球會唔會作出任何評論. (At this time we will be making no further comment.)。

米科諾斯島位於愛琴海,喺希臘著名旅遊聖地,大約喺公元前11世紀古希臘人已經喺島上生活。而米科諾斯島喺希臘神話入面係宙斯同巨人族發生聖戰嘅地點。

#癲狗日報 #癲狗波經

更新時間 : 2020年8月21日(五)20:05
建立時間 : 2020年8月21日(五)18:54