歐霸盃決賽將喺本港時間今晨3點上演,由意甲國際米蘭硬撼西甲西維爾。(歐霸盃Facebook專頁)

【癲狗日報】歐霸盃決賽將喺本港時間今晨(廿二)3點上演,意甲國際米蘭將會喺德國科隆球場,硬撼5屆歐霸冠軍西維爾,球迷千奇唔好錯過!

國際米蘭已經有9年嘅「錦標荒」,對上一次捧起歐洲冠軍已經係相隔10年前摩佬帶領球隊捧起歐聯冠軍。領隊干地表示,今場將會係一場硬仗,坦言對國米喺今屆歐聯分組賽出局感到失落,但認為對球隊嚟非常正面,因為歐霸淘汰賽5戰全勝殺入決賽,球員都有好大決心同進步。

國際米蘭擁有相當強勁嘅進攻火力,前鋒盧卡古及拿奧達路馬天尼斯喺上場5:0大炒烏克蘭班霸薩克達嘅4強賽事入面各自梅開二度,刷新歐霸盃淘汰賽最大比數勝仗紀錄。然而,智利國腳阿歷斯‧山齊士仍然飽受大腿肌肉傷患困擾,但仍然會坐陣後備席廂。

至於「歐霸盃專家」西維爾,若將歐霸盃前身歐洲足協盃都計埋入去,西維爾近14年已經第6度躋身呢項盃賽賽事決賽,更加打破本身保持嘅歐霸決賽次數紀錄,其中2014至16年連續3連冠成為一時球壇佳話,更3度出戰歐洲超級盃,但都不敵西甲2支班霸巴塞同皇馬而鎩羽而歸。

領隊盧比迪古就表示,球隊過去輝煌戰績同今場決賽毫無關係,又形容國米係一隊有力喺歐聯立足嘅球隊。但西維爾上場4強對曼聯初段未瞓醒落後一球,加上後備門將耶辛尼保奴全場多達6次關鍵撲救,令球隊最終可以連入兩球反勝,今日國米嘅對手好有可能係曼聯。

由於兩隊下季已經獲歐聯小組賽資格,雙方必定為榮譽而戰,今場必定係一場精彩大戰,球迷千奇唔好錯過!

癲狗波經貼士:

1.國際米蘭主勝

2.國米上盤 -0/0.5/

3.全球入球2.5大

4.國米波膽5:0/客其他

Follow us: @MadDogDaily on Twitter | Mad Dog Daily on Facebook

香港直播頻道:

Now TV 643台

Now E 同步直播

#癲狗日報 #癲狗波經

更新時間 : 2020年8月22日(六)00:27
建立時間 : 2020年8月22日(六)00:12