因為林夕響《蘋果》嘅一篇文,令「立法會總辭」成為飯民焦點:喂,當連林夕呢啲「局外人」都已覺得立法會無用,咁你班飯民仲有咩藉口唔辭?不過響一切之先,我覺得大家要先搞清楚咩叫總辭先。

根本人大決議,而家立法會選舉將推遲至下年舉行,所以現任立法會議員將能順延任期一年。嚴格黎講,呢個係獨立於《基本法》以外僭建出黎嘅臨立會2.0,同原本經選舉程序賦予公權力嘅正式議會根本係兩回事。拒絕加入呢個「臨立會2.0」,其實只係拒絕一份非法勞工合約嘅延攬,而唔係辭職。

真正嘅總辭應該係**立刻向立法會遞辭職信**,不惜向公眾以至向世界表明,面對呢個粗暴橫蠻嘅政府,我連做多一日議員都想作嘔──但當然呢種「真‧總辭」係唔會有任何一個現任議員Buy啦,大拿拿50萬約滿酬金唔係錢牙──結果再一次證明,立法會議員為嘅唔係公義,而只係為錢。

當然坊間都有兩種反對總辭嘅反駁,一就係話議員服務滿4年任期,有得攞約滿酬金係天公地道──無錯,對於陳志全朱凱迪等少數幾個抗爭派黎講,可能的確係天經地道,但剩番果十幾廿件成日唔開會、唔投票,得閒又會幫政府護下航果班政棍垃撚圾呢?佢地有資格攞呢50萬約滿酬金咩?

然後好多人仲響度講乜尻「議席最重要係資源」,但果50萬約滿酬金卻係由班議員同議助袋袋平安──我想問呢班友嘅身家平白多咗50萬,對場抗爭有咩幫助?結果所謂「資源」從來都係袋落呢班政棍荷包入面!即係你要反駁,好簡單之嘛,廿幾個飯民議員約滿酬金照攞,然後捐哂出黎肯唔肯丫?梗係唔撚肯啦!

結果原先一個最能夠表示抗爭決心、企得最硬嘅「真‧總辭」方案,未開始討論就經已胎死腹中;大家而家集中討論嘅,都只係退而求其次嘅「拒絕延任」方案。有關支持延任嘅理由,其實坊間已有好多討論,我只集中講幾點:

Image for post

Image for post

一、左膠共諜梁啟智又黎飯民經典嘅「情感勒索」手段:喂而家我地好多議助都救緊手足呀,你叫飯民議員總辭,班議助去邊度搵工呀?

1. 似乎梁啟智都知道四年黎立法會議員都CAP左唔少錢(以千萬計),所以唔敢話佢地無咗份工好慘,轉而話班助理好慘──但係唔總辭就係為咗等班垃圾會議員有份工,然後再由佢地請住班議助,等佢繼續有工做?迂唔迂回啲?

2. 唔該唔好又玩篤手指遊戲,你話有議助救手足,唔該講清楚有幾多個議助、每個月總共花咗幾多個鐘救手足,清清楚楚列番條數出黎,唔好其實得幾條友做兼職程度嘅嘢,講到要成廿幾個飯民議員、過百個議助留低黎就佢;

3. 係咪探手足監就大撚哂?係咁我係共產黨如果尻拉多一千人,再委任10個監獄大使,專門係For探監同支援手足家屬之用,你班飯民係咪又仆倒去做?

4. 哦原來議助份人工重要過哂所有政治原則,咁如果政府以後取消選舉,臨立會變萬年國代,係咪飯民為咗保住議助份工,就接受以後香港人再無投票權?

二、但相比起「要資源讓住班議助救手足」,更令人難堪嘅講法卻係包括哂飯民同激進民主派而家都吹緊嘅「如果飯民唔加入垃圾會,就會阻止唔倒建制派通過啲更壞嘅法案」

去到呢個位真係忍唔住屌你老母:響過去一個會期,有邊一樣嘢係靠你地成功拉倒的?國歌法?比「送中條例」更嚴苛嘅《國安法》?喂就算係《逃犯條例》修訂呀,都係全靠612群眾包圍垃圾會先迫倒林鄭先暫緩後撤回咋!

然後你地仲想拎郭榮鏗響內會拉布出黎打飛機?喂係咪唔撚記得咗響建制派粗暴剪布果刻,郭榮鏗堅持「我係要主持會議,唔會同李慧琼爭位」?同埋都唔好講自從修改議事規則同建制派唔理程序公義夾硬黎之後,你班飯民根本就已完全失去意志連內會都唔開,係咪又要我拎番過去四年嘅出席紀錄同投票紀錄出黎比大家睇,呢班賣港飯民究竟有幾配合呢個特衰政府施政?

三、即係仲有人講乜撚嘢關鍵少數,好心你咪撚再呃9人啦!所謂立法會三份一否決權,從來唔關乜嘢廿三條事,因為政府議案只需要簡單過半數就可以通過,而飯民從來未試過響立法會上面取得超過半數議席,唔係點會成日發夢35+?

所謂關鍵少數否決權,只限於否決三樣嘢:一係對議員嘅彈劾權,例如陳淑莊、鄭松泰同邵家臻都因此避免被DQ──但問題係如果你所有議員都唔走入去臨立會,又駛乜怕人彈劾?

所謂關鍵少數否決權,只限於否決三樣嘢:一係對議員嘅彈劾權,例如陳淑莊、鄭松泰同邵家臻都因此避免被DQ──但多謝網友Stephen Wong提醒,呢個關鍵少數根本係一個驚天大騙局──因為通過政改、修改基本法嘅三份二贊成票數都係根本全體立法會議席數目去計,換言之就算飯民一個都唔入臨立會2.0,建制派一樣通過唔倒!!!

唔該你班仆街飯民黃屍唔好再呃香港人啦!有無你地響臨時垃圾會根本無關重要呀!

***

結果去到最後,所有為留響「臨立會2.0」嘅辯護全部都係不堪一擊,真正嘅原因只有兩個:

1. 多做一年呃多百幾萬,兼且享受多一年「尊貴的議員」身份帶來嘅各種界外利益;

2. 向政府獻媚,表示願意充當政治花瓶,以「扮反對派」身份協助確立臨立會認受性,以求在一年後的選舉(如有的話)避過DQ