拜仁1:0小勝PSG,第6度捧起歐聯冠軍寶座。(歐聯Facebook專頁)

【癲狗波經】歐聯將於今晨舉行決賽,由法甲巴黎聖日門迎戰德甲拜仁慕尼黑。最終拜仁以1:0擊敗PSG,第六度捧起歐洲冠軍寶座。

今次係PSG首度晉級歐聯決賽。隊中主將尼馬,上場在賽後與對手萊比錫球員互相交換球衣,被指違反防疫規定,但歐洲足協未有採取任何停賽行動,令尼馬今場得以上陣。今場尼馬伙拍迪馬利亞、以及麥巴比攻堅。而隊長泰亞高斯華坐守中路防守,今場亦為其最後一次代表PSG出戰比賽。

至於畀外界睇高一線嘅拜仁慕尼黑,則由利雲杜夫斯基,伙拍湯馬士梅拿以及上場大勇的基拿比等攻堅。

雙方初段拜仁佔優,但其後PSG幾次反擊都極有威脅,其中一次安巴比門前十二碼點竟直射到門將紐亞懷抱,錯失領先良機。完場前拜仁翼鋒高文推入禁區,疑似被人撞趺,但球證同埋VAR最冇畀12碼,雙方半場0比0握手言和。

下半場拜仁初段憑住對方右路失誤,由甘美治傳中,高文接應頭鎚破網,1:0。PSG其後有數次攻勢,但都被紐亞一一化解。最終,拜仁以1:0擊敗PSG,第6度捧起歐聯冠軍,並成為三冠王。

Follow us: @MadDogDaily on Twitter | Mad Dog Daily on Facebook

#癲狗日報 #癲狗波經

更新時間 : 2020年8月24日(一)05:01
建立時間 : 2020年8月24日(一)04:57