【癲狗日報】武漢肺炎肆虐全球,歐洲球壇過去半年一直有球員確診。葡萄牙足總證實陣中老大哥基斯坦奴‧朗拿度(Cristiano Ronaldo)確診感染。

葡萄牙足球發表聲明,指35歲嘅C朗確診感染,目前未有任何病徵,正接受隔離,將會缺席今(十四)日歐洲國家聯賽主場對瑞典嘅賽事。

聲明又,目前除C朗外,陣中所有球員都對病毒測試呈陰性反應。

據了解,C朗確診前曾經同多名隊友聚餐,鄰座球員包括比比、安祖施華、以及柏迪斯奧,均屬密切接觸者。

C朗亦會缺陣下星期意甲聯賽以及歐聯第一場分組賽;月底歐聯主場對巴塞羅那同美斯嘅焦點對決仍然係未知之數。

Follow us: @MadDogDaily on Twitter | Mad Dog Daily on Facebook

C朗目前效力嘅祖雲達斯,上星期六有兩名職員確診,未知C朗係咪畀佢哋傳染。會方早前已安排全體球員入住訓練基地附近的指定酒店接受隔離,惟C朗為參加國家隊賽事,拒絕接受球會安排,未知祖記會否進行秋後算帳。

#癲狗日報 #葡萄牙 #丙朗 #C朗拿度 #武漢肺炎