開鑼日兩個馬場重新開放,入場公眾馬迷需預先網上登記,沙田馬場入場人數有一萬六千多人,雖距疫情前仍相差甚遠但總算令馬場再現人氣,講番當日賽事希斯田泰安先聲奪人各執3W,尤其希斯經過上季失威表現後,暑期積極備戰,季初搶攻用意明顯,尤其[緊張大師]玩敵輕勝必成日後追捧對象,就算成就未及[精英大師]但這匹四歲馬已經全熟,今季肯定盡用,正如馬森兄預言值得長線跟進,至於莫雷拉雖然有馬贏,但這場頭馬絕對有“衰家食尾胡”之感,之前表現誠意全無,[當家信心]早段外叠望空,入彎推騎加重耗力,直路已不能加速大敗而回,表現再一次令人失望,對此駒需要重新評估,不宜再高估了。

潘頓開鑼日取得兩W,表現不比田泰安遜色,相比莫雷拉表現更有誠意,季前不少傳言指他騎完今季便掛靴,孰真孰假季尾才知,今次推介的[有運來]上季尾連續兩場入亞走勢明顯進步,踏入四歲更趨成熟,試閘具前速走來一氣呵成,埋門潘頓親試拍[財駿]力貫四肢火氣旺盛,狀態起得相當對辦,潘頓沈集成上季合作勝出率高,上次賽事合作四匹獲一冠一亞半數上名,今賽再次合作四匹不難再有成績,[有運來]已經操起今仗極具勝望,穩位望贏應可做到。

癲狗馬膽           第四場              9有運來

 

癲狗馬膽1760基金(本金$1760.00)

上次盈虧:-$ 20.00

今次投注:WP各10.00

結餘及(自成立回報率%):$1720.00 (-2.27%)

 

(資料組  8/9/2021)

.2

全民俾LIKE 人人「些牙」!

.