林鄭月娥昨(十)日出席一個電視節目時,被問到是否考慮未必再選特首,佢話參選與否係個人及家人嘅意願,而市民最終想知道嘅係政府係咪全心全意落實施政報告內容。話鋒一轉,賊婆忽然講起情緒問題,佢話每次情緒波動都同家人有關,會有啲情感流露,自己從來唔會因為工作困難或挑戰而有所感觸。

Follow us: @MadDogDaily on Twitter | Mad Dog Daily on Facebook

香港電台前高層,資深傳媒人曾智華都頂賊婆唔順,於是喺Facebook 呻咗兩句:「過去兩年多,香港人的情緒波動,大部分時間都與佢有關!一切,皆在每次的民意調查清清楚楚顯示出來!」

賊婆倒行逆施,以民為敵,香港人何只情緒波動咁簡單?請問兩年多以來,賊婆拉咗幾多爭取民主、捍衛自由嘅香港人去坐政治監?其中大部分仲係十幾歲或者廿幾歲嘅青少年,佢哋都有老母生,佢哋都有家人㗎!除咗濫捕濫告年青有為嘅新生代,又狐假虎威,恃住有共匪照住,將一批又一批嘅中老年社運人士扣上「反中亂港」帽子,唔係未審先羈押,就係行政司法沆瀣一氣、狼狽為奸,速審速判,送晒入監房;佢哋嘅仔女直情會當賊婆係殺父仇人!

賊婆話每次情緒波動都同家人有關,究竟係你老公唔生性定係你兩個仔因為有個咁嘅老母而覺得羞恥,我哋冇咩興趣知,但係無數政治受難者同埋佢哋嘅家人,因為你嘅暴行終日痛苦呻吟,每一位有良心嘅香港人都會感同身受,然後日夜焚香祝禱:賣港權奸,個個不得好死,全部落地獄!

英國末代港督彭定康二〇二〇年七月七日喺美國CNBC專訪中,佢話香港特首林鄭月娥是「香港歷史上一個十分令人失望的內奸式人物(Carrie Lam is a lamentable quisling figure in Hong Kong’s history)。肥彭睇怕勢估唔到,喺佢主政期間區區一位政務主任(AO) 係惡魔托世,今時今日竟然會成為絕大部分香港人心目中嘅頭號賣港賊!

賊婆好容易「情緒波動」可能係患咗「權力精神病」,即係「權力的傲慢」,而且病入膏肓。近年神經科學與心理學研究指出,權力貪欲可能導致掌權者嘅腦區塊受損,而受損嘅乃是掌管人類同理心嘅部位。職是之故,權力不受節制,將會令掌權者人性泯滅。

賊婆專門同民意對立,呢種傲慢心態,亦都係緣於佢擁有不受制約嘅權力,以為聽從民意,政府權威就會受損;一個人之所以有自大狂,多數係因為不自覺嘅自卑感作祟。因為無知,就以為無所不知;亦都因為無能,就自以為無所不能。不論喺思想上或者行為上,相信自己會永不錯誤係一種最恐怖嘅狂妄,相信一個人會永不錯誤,咁就係一種最可憐嘅愚蠢。喺今日資訊爆炸嘅互聯網時代,已經冇人會相信有任何人係永遠正確,但係仍然有人相信自己永不錯誤,而且多數是擁有權力者,如果唔送入精神病院接受治療,必然遺禍社會。

不過,從精神科醫生角度嚟睇,情緒波動常見於未經治療嘅抑鬱症,情緒可能會從煩躁到極度悲傷而波動到憤怒爆發,甚至成日想死。賊婆如果患嘅係呢種精神病,以佢嘅性格一定唔會去睇醫生,如果病發,分分鐘會「窗口當門口」跌咗落街,係咁嘅話,香港人一定歡喜不迭矣!

2021 Oct 11 癲狗編輯室
/黃毓民