共匪首次可以完全操控及預知結果嘅垃圾會選舉,係香港史上最醜惡嘅一場政治鬧劇。國安委主導之「候選人資格審查委員會」今(十九)日公布,有一百五十三份提名通過審查正式成為候選人。身兼「資審會主席」嘅政務司司長李家超照本宣科,即係照例「鳩噏」:「提名有效的人士中,有持不同政治理念,包括建制、非建制及獨立人士,來自不同背景、階層、政治光譜,符合均衡參與及廣泛代表性,證明新選舉制度並非搞清一色,審核標準一視同仁和公平公正,早前一些為反對新選舉制度的抹黑已經不攻自破」。睜眼說瞎話,混淆是非,莫此為甚。做太監唔使化妝嘅李家超,完全不懂民主選舉政治為何物,淨係識得鎮壓人權,水鬼升城隍上咗位之後,一朝得志,成日語無倫次,佢都算得上有史以來最核突嘅「特區第二把手」!

一百五十三個「候選人」去搶九十個「不是民意代表」嘅席位,「太監超」口中唸唸有詞嘅所謂「包括建制、非建制及獨立人士,來自不同背景、階層、政治光譜,符合均衡參與及廣泛代表性」究竟是何方神聖呢?毓民喺呢度實實在在告訴你們:除咗民賤聯、工賊黨呢啲「 根正苗紅」 嘅傳統「愛黨愛國」政客,同埋「吮癰舐痔黨」一大堆狗屎垃圾,再加上幾個一早畀香港人唾棄,又唔醜字點寫嘅所謂資深民主派人士,好似馮檢基、狄志遠、譚香文之流,人唔似人鬼唔似鬼,走出嚟獻世⋯。

一眾給共匪嘅奴才做奴才之「有識之士」,評估投票率時個個都戴哂頭盔,一致認為會偏低喎!「六八九」梁匪振英頭馬張志剛,一個月前就推算今次選舉地區直選投票率只會有兩成幾。對比前年區選71.23%,張志剛指過去投票率高,係由於反對派炒作對立及憤怒而造成,而投票率在新制度下回落「是必然的政策後果」。資深共匪幫閒劉兆佳嘅「高見」係:由於「反對派」未能「入閘」參選,加上未有激烈政治議題,估計下個月立法會選舉投票率僅約三成。「佳縮」又話,要扭轉過去之政治局面,投票率低係難以避免嘅代價。最撚好笑嘅重係人大常委「痰尿盅」,佢皮笑肉不笑咁話:「喺比較平和、理性嘅環境下,投票率低唔出奇,投票率低或者係由於選民認同一眾候選人,咁咪好放心唔使特登出嚟投票囉。」睇怕原話照錄,係有力過屌鳩佢嘅!

至於立法會前主席曾鈺成嘅睇法就比較「專業」,佢認為有多項因素導致今屆投票率不及歷屆,例如地區直選由比例代表例改為雙議席單票制,各區候選人數目減少,選舉氣氛或不及以往熾熱,加上今屆選舉工作較遲展開,以及候選人知名度不高等等,即使投票率下降都唔出奇,而且亦不代表甚麼⋯。雖然講得冇前面幾個咁「膠」、「柒」,但係一向以「開明建制派形象」示人嘅老曾,而家竟然連「阿媽係女人」咁嘅真話都唔敢講,亦云可悲矣!

頭腦仍然重係好淸醒嘅香港人,不作打壓民主人權幫兇,必然拒絕參與演出反民主醜劇;更何況候選人不是雞鳴狗盜、便屬狗屎垃圾,又點揀得落手呢?所以,十二月十九日「投與不投」,大家用個「膝頭哥」諗下便知分曉!投票率低並非有人煽惑,乃屬「阿媽係女人」之「真理」也!

2021 Nov 19 癲狗編輯室
/黃毓民